Numeri 35:30 - ICIGHAN BIBILO

³⁰ Or u nan woo or yô, i̱ wua orwuanor la sha mpase u mbashiada; kpa shiada u or môm yô, kuma u wuan or a mi ga.

Numeri 35:30 Iomraidhean Croise

Ekesodu 21:12

Or u nan gbidi or je nan kpe yô, i̱ wua nan kpee je.

Levitiku 24:17

Man or u nan gbidi or nan woo yô, i̱ wua nan kpee je.

Numeri 35:16

Kpa aluer nana gbidye or sha iyô je nana kpe yô, nan hingir orwuanor ve; orwuanor la, i̱ wua nan kpee.

Numeri 35:31

Man shi de ngohol nen ipaa sha ci u uma u orwuanor ga, u nan lu a ibo i i kom ku yô, i̱ wua nan kpee je.

Mateu 18:16

Man aluer una ungwa u ga yô, shi kua a or môm shin ior ihiar a we imôngo, sha er hanma kwaghôron una kure sha zwa u mbashiada uhar shin utar yô.

YOHANE 7:51

Atindi ase ka a gba nan or ibo er i lu a ungwa kwaghôron u nan shin i lu a fa kwagh u nan eren la ga jee?

2 Mbakorinte 13:1

Ka kwa tar je m lu van ken ven ne. Ka sha zwa u mbashiada uhar shin utar man hanma kwaghôron una kure vough ye.

Duteronomi 19:15

Orshiada môm tseegh nana̱ de eren shiada sha or nana̱ pase hanma injaifer i nan, shin hanma injaisholibo i nan, á lu nyityô isholibo i or la nana er kpaa ga; ka sha zwa u mbashiada uhar shin sha zwa u mbashiada utar man kwagh una kure ye.

Duteronomi 27:24

Ifan i̱ kôr or u nan woo or u nan we ndor a nan myer la. Ior cii ve̱ rumun er: Amen.

1 Timoteu 5:19

Sha kwagh u ortamen yô, de gbe rumun ma ibo i i ne nan ga saa sha zwa u ushiada uhar shin utar.

Mbaheberu 10:28

Aluer or nana per tindi u Mose sha apera yô, ka nan kpe sha shiada u ior uhar shin utar, mhôônom ma zungwen ma kera lu ga.

Mpase U Yohane 11:3

Me na mbashiada Av mba uhar tahav vea ôr kwaghôron u profeti á kuma ayange dubu man deri uhar man akunduatar, vea haa abaasôhô iyol.