Numeri 35:21 - ICIGHAN BIBILO

²¹ shin nana ta or iju sha ihom je nana kpe yô, u nan te nan iju la, i̱ wua nan kpee, ka orwuanor je; or u oron iyev i awambe la, nana̱ wua orwuanor la, aluer nana kohol nan yô.

Numeri 35:21 Iomraidhean Croise

Genese 4:14

Nenge ase, nyian U zendam sha tar kera; me gema me lu U myer, or u yevese man or u zenden a zende sha won. Nahan yô, hanma or u nana kohol mo nana wuam je.

Genese 9:5

Kpa awambe a en yô, Me or iyev i a kpee je, Me or i sha hanma inyam, sha or kpaa, orgen a orgen, Me or iyev i uma u or.

2 Samuel 14:11

Tsô a kaa er: Tor shi umbur TER, Aôndo wou, sha er or u oron iyev i awambe, nana̱ de kera ze hemen u timin ior zan zan i̱ va wua wan wam ga; tsô a kaa er: Er TER A lu u uma ne, ma gwarce u sha ityough ki wan wou môm tsô, una gba inya ga.

Esekiel 16:38

Me ôr u imbajir i ka i ôr kasev mba ve vihi ityendezwa i ivôson sha idya la, man i mba ve hee awambe la, Me va a awambe a iyugh man iwuhe sha a we.

Numeri 35:19

Ka or u oron iyev la, nana wua orwuanor la ye; aluer nana kohol nan yô, nana̱ wua nan je.

Numeri 35:20

Aluer nana daa or sha ihom shin nana ta or ma kwagh sha apera je nana kpe yô,

Numeri 35:22

Kpa aluer nana daa or abu a lu sha ihom ga, shin nana ta or ma kwagh man a lu sha apera kpaa ga,