Numeri 35:2 - ICIGHAN BIBILO

² Kaa Mbaiserael ve̱ pande dyako u ve zough a mi la ve̱ na Mbalevi agar a teman ker, shi na nen Mbalevi akôngo a lun a toho sha ci u uile, a a kase agar la kpaa.

Numeri 35:2 Iomraidhean Croise

1 Kroniku 13:2

Nahan Davidi kaa a mkohol u Iserael cii er: Aluer nea nenge a doo nahan, man a lu ishima i TER, Aôndo wase, kpaa yô, sé tindi nen loho hen anmgbianev asev sha hanma ijiir cii, mba ve shi ken tar u Iserael yô, kua upristi man Mbalevi mba ve lu a ve imôngo ken agar a ve a a lu a ajiir a ilev yan toho her, sha u ve̱ va kohol her a vese yô;

2 Kroniku 11:14

Gadia Mbalevi undu ajiir a ve a ilev yan toho her, man akaa a ve, ve va hen Yuda kua ken Yerusalem; gadia Yerobiam kua ônov nav ta ve kera, er ve̱ de kera eren TER tom u pristi ga;

2 Kroniku 31:19

Upristi ônov mba Aron, mba ve tema ken akôngo a agar a ve la kpaa, ken hanma gar yô, ior lu mba i nger ati a ve sha u ve̱ karen upristi mba nomso cii kwar, kua hanma Orlevi kpaa u i nger nan ken takerada u icombor yô.

Nehemia 13:10

Shi m nenge er i lu nan Mbalevi kwar ve ga yô, nahan Mbalevi man mbawanatsam, ve mba ve lu eren tom la, ve yevese, hanma or yem hen sule u nan.

Esekiel 48:22

Man shi hii hen kwar u Mbalevi man kwar u gar, u u lu her atô u tar u tor yô, tar u her atô u ikighirtar i Yuda a ikighirtar i Benyamin ua lu sha ci u tor.

Esekiel 48:8

Man u dondon sha Yuda yô, hii hen vegher u sha ityoughkitaregh zan zan za ar vegher u shin ityôtar, nagh ku nea na la kua lu: igbanger i ku, ia lu aseva dubu ikundu kar utaan, ilihen i ku ia lu vough a kwar môm u ken ikwar igen la, hii hen vegher u sha ityoughkitaregh zan zan vegher u shin ityôtar; icighanjiir una lu her atô u ku.

Numeri 35:1

TER ôr kwagh a Mose hen ukpuunkpuun mba Moabi hen kpe u Yordan tiôn u hen Yeriko la, A kaa er:

Numeri 35:3

Agar la a̱ lu sha u ve̱ tema ker yô; akôngo a lun a toho la yô, ka sha ci u ilev vev man akaa a ve kua uzendenya vev cii.

Duteronomi 18:6

Aluer ma Orlevi nana due ken ma gar u ken Iserael cii, u nan lu shir ker la, nana va a ishima i nan cii, hen ijiir i TER Una tsuwa la yô,