Numeri 35:19 - ICIGHAN BIBILO

¹⁹ Ka or u oron iyev la, nana wua orwuanor la ye; aluer nana kohol nan yô, nana̱ wua nan je.

Numeri 35:19 Iomraidhean Croise

Genese 4:14

Nenge ase, nyian U zendam sha tar kera; me gema me lu U myer, or u yevese man or u zenden a zende sha won. Nahan yô, hanma or u nana kohol mo nana wuam je.

2 Samuel 14:11

Tsô a kaa er: Tor shi umbur TER, Aôndo wou, sha er or u oron iyev i awambe, nana̱ de kera ze hemen u timin ior zan zan i̱ va wua wan wam ga; tsô a kaa er: Er TER A lu u uma ne, ma gwarce u sha ityough ki wan wou môm tsô, una gba inya ga.

2 Samuel 14:7

Man nenge, ityô cii mough num a kpan wou u kwase ne, ve kaa er: Un u a woo anngô na la, na se un, sé wua sha ci u uma u anngô na u a woo la, sé wua u yan dyako la kpaa, kape i sar ve u pirin mo anikausu u a shim her ne, er nomon a̱ de lu a iti shin tsombor sha won ga.

2 Samuel 3:27

Mba za hidi a Abiner ken Heberon yô, Yoabi ta ibalegh a na hen hundagar er una ôr kwaghhuwa a na, tsô a maa a kuma un kwagh sha uya a kpe, sha ci u awambe a Asahel anngô na la.

2 Samuel 3:30

Kape Yoabi vea anngô na Abishai ve wua Abiner la, sha ci u lu wua anngô ve Asahel hen Gibeon ken utya yô.

Numeri 35:12

Agar la a̱ hingir ne ajiir a waren ker sha ikev i or u oron iyev la, sha er or u nan woo or la nana̱ de kpe ga, saa nana vande tilen sha ishigh ki ior, á ôr nan ijir ve.

Numeri 35:18

Shin aluer nana kôr ikagh ki konough ken uwe, ki ki kom u wuan or a mi, nana gbidye or je nana kpe yô, nan hingir orwuanor ve; orwuanor la, i̱ wua nan kpee.

Numeri 35:20

Aluer nana daa or sha ihom shin nana ta or ma kwagh sha apera je nana kpe yô,

Numeri 35:21

shin nana ta or iju sha ihom je nana kpe yô, u nan te nan iju la, i̱ wua nan kpee, ka orwuanor je; or u oron iyev i awambe la, nana̱ wua orwuanor la, aluer nana kohol nan yô.

Numeri 35:24

Ior ve̱ ôr ijir i or u nan woo or vea or u oron iyev i awambe la sha atindi ne;

Numeri 35:27

man or u oron iyev i awambe la nana kohol nan ken won u ikighir i gar u nan za war ker la yô, or u oron iyev i awambe la, nana wua or u nan woo or la yô, nana kera lu a ibo sha awambe ga;

Duteronomi 19:12

nahan mbavesen mba hen gar u nan la, ve̱ tindi i̱ za hide a nan ker, vea gema nan vea na nan sha ikev i or u oron iyev i awambe la, sha er nana̱ kpe yô.

Duteronomi 19:6

sha er or u oron iyev sha awambe nana̱ de zende or u nan woo or la, zum u ishima i kende nan la, nana̱ za kohol nan sha ci u gbenda u lihi, nana̱ wua nan ga; gadia nan er kwagh u kuman ku ga, sha ci u nan vande kôron ngula ihom ga yô.

Yosua 20:3

sha er or u nan woo or abu i lu sha apera ga nana̱ yevese nana̱ za ta ker yô, a̱ hingir ne ajiir a waren sha ikev i or u oron iyev i awambe la.

Yosua 20:5

Aluer or u oron iyev i awambe la una tôv nan angahar una za kohol kpaa, ve̱ de ne or u nan woo or la sha ikev na ga, gadia nan wua u a we ndor a nan la abu, nan vande kôron un ihom kpaa ga.

Mbaajiriv 8:19

A kaa er: Ve lu anngôôv av, ônov mba ngôm je; mimi je er TER A lu u uma ne, aluer nea de ve uma yô, ma m woo ne ga.