Numeri 34:12 - ICIGHAN BIBILO

¹² ikighir la i̱ kar i̱ yem hen Yordan, i̱ za kure hen Zegemnger u Bar. Ka tar wen je ne sha akighir a u ningir tser cii.

Numeri 34:12 Iomraidhean Croise

Genese 13:10

Tsô Loti kende ashe, nenge gbulumaa u Yordan cii, lu a mngerem han han kpaa; er TER lu a tim Sodom man Gomora ga la, vegher u zan hen Soar la, lu er sule u TER yô, bee tar u Igipiti.

Genese 14:3

Mban cii zua shin pev u Shidim ka Zegemnger u Bar je la.

Ekesodu 23:31

Me ver akighir a tar wou á hii hen Zegemnger u Nyian je zan zan á za ar hen zegemnger u Mbafiliti, shi á hii ken desereti zan zan á za ar hen ifi u Uferati, gadia Me gema mba ve tem ken tar la, Me na ve sha ikev you; ú zenda ve sha ishigh you kera.

Esekiel 47:13

Ter AÔNDO ngu kaan nahan er: Ka ikighir i tar u né kar u sha ci u dyako u ikwe pue kar ihiar i Iserael ne— Yosev una zua a mbaaci uhar.

Numeri 34:11

ikighir la i̱ sen hen Sefan i̱ yem hen Ribela, i̱ kar Ain vegher u sha ityoughkitaregh la; shi ikighir la i̱ sen i̱ tera hen kpe u Zegemnger u Kinereti vegher u sha ityoughkitaregh la;

Numeri 34:13

Mose kaa a Mbaiserael er: Ka tar u né ya dyako sha mi sha ishor i eren je ne, u TER A kaa er i̱ na ikwe i itiankarinyiin man vegherkwe ne;

Numeri 34:3

Vegher wen u ken imbusutariyan una hii hen desereti u Zin una kar hen kpe u Edom; ikighir tar yen i ken imbusutariyan la, ia hii hen mkur u Zegemnger u Bar vegher u sha ityoughkitaregh;

Yosua 13:1

Tsô Yosua bee iyol, a tsa sha won; nahan TER kaa a na er: We u bee iyol ve, u tsa sha won, man tar shi kpishi u á ngohol yô.

Yosua 15:5

Ikighir i vegher u sha ityoughkitaregh yô, lu Zegemnger u Bar zan zan za ar hen iasegh i Yordan. Ikighir i vegher u hen imbusutarimese yô, hii hen zongough ku zegemnger hen iasegh i Yordan la;