Numeri 31:50 - ICIGHAN BIBILO

⁵⁰ Nahan se va na TER iwua sha akaa a i er sha zenaria, a anti or nan zough a mi yô, ahye a shin angahar man a sha uwe man ikunya i ken ave kua iyôv mbi ken ato man akaa a hweegh a zeren sha iker, sha u nan iwom a min sha ci u uuma asev sha ishigh ki TER.

Numeri 31:50 Iomraidhean Croise

Upasalmi 107:15

Yô, ve̱ wuese TER sha erdoo Na, man aeren a Na a kpilighyol, a A eren a ônov mba iorov yô.

Upasalmi 116:12

Ka nyi me na TER sha ci u akaa a Na a dedoo a A erem cii laa?

Upasalmi 116:17

Me na U nagh ku ishughun, me yila sha iti i TER.

Ekesodu 30:12

Zum u ú ôron iyenge i Mbaiserael yô, ve mba i er ve la, hanma nomsoor nana̱ na TER ipaan sha ci u uma u nan, shighe u ú ôr iyenge ve la; sha er i̱ de hee ve bouange zum u ú or iyenge ve la ga.

Ekesodu 35:22

Ve va nomso man kasev, hanmôv mba asema a doo ve, ve va a akaa a hweegh a sha vanger man inyarev mbi wan ken ato man ikunya i lun a akav man akaahweegh a zeren sha iker, lu akaa a sha zenaria cii. Hanma or u nan lu a nagh ku zenaria ku nan TER,

Levitiku 17:11

Gadia uma u inyam yô, ka ken awambe a lu ye, Mo M na ne a sha atse a nanden nagh sha mi, sha u nan iwom a mi sha ci u uuma enev; gadia awambe nga ne iwom sha uma u a la.

Numeri 31:49

ve kaa a Mose er: Mbayev ou ôr iyenge i mbautyav mba ve lu sha ikev yase la, mô wase môm saa ga.

Numeri 31:51

Tsô Mose man pristi Eleasar ngohol zenaria la hen a ve, lu ikav mbi hweev cii.