Numeri 31:23 - ICIGHAN BIBILO

²³ hanma kwagh u a vihin sha usu ga yô, wa nen un ken usu, tsô una wanger; nahan kpaa, shi á wanger un sha mngerem ma wanger kwagh a min la; hanma kwagh u a vihin sha usu yô, wa nen un shin mnger.

Numeri 31:23 Iomraidhean Croise

Ekesodu 19:10

Tsô TER kaa a Mose er: Za hen ior, za tsegha ve nyian kua kper, ve̱ ôô akondo a ve kpaa,

Ekesodu 19:14

Tsô Mose hungwa sha uwo la va hen ior, va wanger ior; man shi ve ôô akondo a ve kpaa.

Yesaia 43:2

Zum u wea peren gidamnger yô, Me lu a we; wea peren uifi kpaa, vea uve u ga; wea zenden ker atô usu kpaa, ua hia u ga; nomborusu kpaa ua kôr u ga.

Levitiku 11:32

Man shi hanma kwagh u mô ve u kpen, a gbe sha mi yô, una kera lu wang ga, shin a lu ikagh ki konough, shin akondo, shin ikôvough, shin iba; hanma ikagh ki i eren tom a ki cii, i̱ wa ki shin mnger kia lu wang ga zan zan iyange ia kar been, man kia wanger ye.

Levitiku 15:17

Hanma ikondo man hanma ikôvough, aluer ityujer ia haa sha mi yô, i̱ ôô sha mnger kera, ka kwagh u wang ga, zan zan iyange ia kar been.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Numeri 19:17

Or u nan lu wang ga la yô, i̱ pande mtwem ma nagh ku isholibo, ma i nande la, i̱ kese mngerem ma senen, i̱ haa sha mtwem mala shin ika;

Numeri 19:9

Or u nan lu wang yô, nana̱ kura mtwem ma tulebua la, nana̱ ver ma ken akôngoafogh hen ijiir i wang; i̱ ver ma sha ci u ior i Mbaiserael sha ci u mngerem ma wanger kwagh a min; ka nagh ku isholibo je.

Numeri 31:22

Zenaria man azurfa man togula man iyôgh man kwaza kua inyelegh,

Numeri 31:24

Sha iyange i sha utaankaruhar la, ôô nen akondo a en, tsô né lu wang; ken masejime la né nyôr ken afo.

Numeri 8:7

Kwagh u ú er ve sha u wanger ve yô, ka un ne: Mishi ve mngerem ma ôôn isholibo; shi ve̱ zende atsem iyol cii, ve̱ ôô akondo a ve, ve̱ wanger ayol a ve.

Mateu 3:11

Mo yô, m ngu eren ne batisema sha mnger u sha mgemshima tsô, kpa Un u A lu van mo ken ijime la, A hembam agee, akôvangahar a Na tsô kpaa, m kuma u me tôô a ga; Wen yô, Una er ne batisema sha Icighan Jijingi man sha usu kpaa;

1 Mbakorinte 3:13

tom u hanma or ua hingir ken igbar, gadia ka iyange la ia tese inja i u ye, gadia ka sha usu je á pase iyange la ye, man ka usu ua kar tom u hanma or, er u lu ye.

Mbaefese 5:26

sha u Una tsegha u er A wanger u sha m-ee u A ôô u sha mnger sha kwaghôron Na,

1 Peteru 1:7

Zenaria u a lu kwagh u saan ishe kpaa ka i kar un sha usu je, nahan mkar u i kar jighjigh wen u nan u a hemba zenaria inja ica la, ka sha u una kuma iwuese man icivir man iengem sha m-ande u Yesu Kristu.

1 Peteru 3:21

Ma tese ikav sha batisema u ne kpaa ne lu waren sha mi hegen yô; batisema ka u wanger hôngor u sha iyol kera ga, kpa ka msen u sônon Aôndo imo i wanger wanger i ken ishima sha mnder u Yesu Kristu shin ku.

1 Peteru 4:12

Ne mbadoon mo ishima, bocan u a ve sha a ven sha u karen ne a kar la, a̱ de kpiligh ne iyol er ka kwagh u cier iyol man a va tser ne ga.

Mpase U Yohane 3:18

M ngu wasen we henen Mer, yam kwagh a Mo, yam zenaria u i ser sha usu sha er ú ngee a kwagh yô, man shi akondo a pupuu sha er ú haa a iyol, kunya u idyelegh wou u̱ de dugh ken igbar ga yô, man shi icigh ki shighen sha ashe a ou sha er ú nenge kera yô.