Numeri 3:7 - ICIGHAN BIBILO

⁷ Ve̱ waan iko sha tom na kua tom u mkohol u ior cii, sha ishigh ki tenti u kohol ker la, ve̱ eren tom u tabernakel la;

Numeri 3:7 Iomraidhean Croise

1 Kroniku 26:20

Man anmgbianev vev, Mbalevi lu nengen sha inyaregh ki iyou i Aôndo, man sha inyaregh ki uicighanmbaakaav la.

1 Kroniku 26:22

Ônov mba Yehieli yô, lu: Setam man anngô na Yoel; ve nengen sha inyaregh ki iyou i TER.

1 Kroniku 26:26

Shelomoti ne kua anmgbianev nav ve lu nengen sha inyaregh ki uicighanmbaakaav cii, ki tor Davidi man mbahemenev mba sha uya mba uter, man mbahemenev mba lun a ior dubu dubu man deri deri sha ikev, man mbahemenev mba akumautya, ve tsegha yô.

Levitiku 8:35

Ayange a ataankarahar la cii luun nen hen hunda u tenti u kohol ker la, tugh man tetan; waan nen iko sha imo i TER sha er né kpe ga yô, gadia kape i kaam je la.

Numeri 1:50

kpa ver Mbalevi ve̱ nengen sha tabernakel u shiada man sha ikav nav cii, kua sha hanma kwagh u a lu u na kpaa; ka ve vea tôôn tabernakel a ikav nav cii, man ka ve vea eren tom na kpaa, shi vea haan afo a ve, vea kasen tabernakel ye.

Numeri 1:53

Kpa Mbalevi yô, ve̱ haa ve̱ kase tabernakel u shiada, sha er iyugh i̱ de hee sha mkohol u ior i Mbaiserael ga yô; Mbalevi ve̱ nengen sha tabernakel u shiada la.

Numeri 3:32

Orvesen u mbahemenev mba Mbalevi lu Eleasar wan u pristi Aron, a lu nengen sha mba ve eren tom u icighanjiir la.

Numeri 3:8

ve̱ kuran ikav mbi tenti u kohol ker la cii, shi ve waan iko sha tom u Mbaiserael ve̱ eren tom u tabernakel la.

Numeri 31:30

Ken kwar u Mbaiserael la yô, ngohol môm u i tsough ken hanma akunduahargber, u ior man u ibua man u ujaki man u iyôngo, uzendenya cii, gema na Mbalevi, mba ve eren tom ken tabernakel u TER la.

Numeri 8:11

Aron a̱ gema Mbalevi a̱ cia nagh ku cian a mi, sha ishigh ki TER, sha ci u Mbaiserael; i̱ ver ve ve̱ lu mba eren tom u TER.

Numeri 8:15

Ken masetyô la, Mbalevi ve nyôr sha u eren tom u tenti u kohol ker la; wanger ve, gema cia nagh ku cian a mi.