Numeri 3:41 - ICIGHAN BIBILO

⁴¹ Man shi ngohol Mbalevi sha ci Wam, ka Mo TER, sha ityough ki ônovmbaiundav mba Iserael cii, man uzendenya mba Mbalevi kpaa sha ityough ki ônovmbaiundav mba uzendenya mba Mbaiserael.

Numeri 3:41 Iomraidhean Croise

Numeri 18:15

Hanma kwaghuma u a hii duen ken uya, u ve ne TER yô, shin á lu or, shin a lu zendenya kpaa, á lu u wou; kpa á lu waniunda u or yô, ú paa un kpee, man shi waniunda u uzendenya mba ve lu wang ga kpaa ú paa un.

Numeri 3:12

Ka Mo je, M tsough Mbalevi ken Mbaiserael sha ityough ki mbaiundav mba ve hii duen ken uya, ken Mbaiserael la, Mer, Mbalevi ve̱ lu mba Av ye;

Numeri 3:13

gadia mbaiundav cii ka mba Av; sha iyange i M wua mbaiundav cii ken tar u Igipiti la, M tsegha mbaiundav mba ken Iserael cii sha ci Wam, mba iorov kua mba uzendenya kpaa; ka mba Av je; ka Mo TER.

Numeri 3:42

Tsô Mose ôr iyenge i ônovmbaiundav mba Mbaiserael cii er, TER kaa un nahan.

Numeri 3:45

Ngohol Mbalevi sha ityough ki ônovmbaiundav mba Iserael man uzendenya mba Mbalevi kpaa sha ityough ki uzendenya vev; Mbalevi ve̱ lu mba Av; ka Mo TER.

Numeri 8:16

Gadia i tsuwa ve ken Mbaiserael i nam a na je, M ngohol ve sha ityough ki hanma wan u a hii duen ken uya yô, ka mbaiundav mba Mbaiserael cii je la.

Mateu 20:28

er Wan u or kpaa A ve, i lu sha u i̱ er Un tom ga, kpa sha u Un Una er mbagenev tom man Una na uma Na á hingir ipaan sha ci u ior kpishi yô.

1 Timoteu 2:6

u A ne iyol Na hingir ipaa sha ci u ior cii. I er shiada sha kwagh ne er shighe va kuma vough yô.