Numeri 3:13 - ICIGHAN BIBILO

¹³ gadia mbaiundav cii ka mba Av; sha iyange i M wua mbaiundav cii ken tar u Igipiti la, M tsegha mbaiundav mba ken Iserael cii sha ci Wam, mba iorov kua mba uzendenya kpaa; ka mba Av je; ka Mo TER.

Numeri 3:13 Iomraidhean Croise

Nehemia 10:36

man shi ônov asev mba iundav mba nomso kua mba uzendenya asev er i nger ken atindiakaa nahan, man ônov mba iundav mba abua a ase, man mba iyôngo yase, sé va a mi hen you i Aôndo wase, hen upristi mba ve eren tom ken iyou i Aôndo wase;

Ekesodu 13:12

tsegha TER hanma wan u a hii duen ken uya; hanma waniunda u u lu a mi u a dugh ken zendenya, u a lu u nom yô, ka u TER je.

Ekesodu 13:15

man shi er Farao venda er se̱ de yemen ga yô, TER wua hanma waniunda ken tar u Igipiti, waniunda u or kua waniunda u zendenya kpaa; ka nahan man m ne TER nagh mi; kpa ônov mba iundav mba ônov av yô, m paan ve.

Ekesodu 13:2

Tsegham hanma waniunda cii, kwagh u a hii duen ken uya ken Mbaiserael, a lu or shin zendenya kpaa, ka u Wam je.

Ekesodu 22:29

De ngôôr u nan nagh ku iyiav youv mbi ken sule wou ga, kua wain wou kpaa ga. Waniunda u ken ônov ou mba nomso ú naan Mo.

Ekesodu 34:19

Mba ve hii duen ken uya cii ka mba Av je, anomauile a ou cii, ônovmbaiundav mba ibuav kua mba iyôngov.

Esekiel 44:30

Iyiav mbi hemban doon mbi tsutswav cii mbi hanma kwagh, man hanma nagh ku kenden sha ku iniav yenev mbi kenden sha cii, mbia hingir mbi upristi; man shi mwem enem ma geran ma hemban doon kpaa, na nen upristi sha u iveren i̱ lu sha ya wou.

Levitiku 27:26

Kpa waniunda u uzendenya u sha mmar na je i mar un er a̱ lu waniunda u TER yô, ma or nana̱ de tsegh un ga; shin a lu bua, shin a lu iyôngo kpaa, ka kwagh u TER je.

Numeri 18:15

Hanma kwaghuma u a hii duen ken uya, u ve ne TER yô, shin á lu or, shin a lu zendenya kpaa, á lu u wou; kpa á lu waniunda u or yô, ú paa un kpee, man shi waniunda u uzendenya mba ve lu wang ga kpaa ú paa un.

Numeri 18:6

Nenge, Mo M tsuwa anngôôv enev mba Levi ken Mbaiserael, ve̱ lu ne iwua i i ne ne yô, i gema ve i na TER sha u ve̱ eren tom u tenti u kohol ker la.

Numeri 3:41

Man shi ngohol Mbalevi sha ci Wam, ka Mo TER, sha ityough ki ônovmbaiundav mba Iserael cii, man uzendenya mba Mbalevi kpaa sha ityough ki ônovmbaiundav mba uzendenya mba Mbaiserael.

Numeri 33:4

Mbaigipiti gema lu iin ônovmbaiundav vev mba TER wua ve cii la; mbaaôndo vev kpaa, TER ôr ve ijir tsaha ve.

Luka 2:23

er i nger ken tindi u Ter er: Hanma wannomso u iunda á yilan er icighankwagh u Ter,

Mbaheberu 12:23

man mkohol u mbaiundav mba i nger ve ati Sha, man Aôndo, Orjir u akaa cii, man ujijingi mba mbaperapera mba i gema ve ve hingir vough la,