Numeri 3:10 - ICIGHAN BIBILO

¹⁰ Ver Aron man ônov nav, ve̱ eren tom ve u pristi; or u ken inya nana kporom, her yô, i̱ wua nan.

Numeri 3:10 Iomraidhean Croise

2 Samuel 6:7

Tsô ishima vihi TER a Usa; Aôndo ta num sha a na hen ijiir la sha kwaghbo na la, a maa a kpe hen kpe u areki u Aôndo la.

1 Utor 12:31

A gema ajiir a taven sha hingir utempel; shi a tôô ior wue wue a ver ve upristi, mba ve lu ônov mba Levi ga yô.

1 Kroniku 6:32

Ve lu mbawanatsam sha ishigh ki tabernakel u tenti u kohol ker zan zan ar sha shighe u Solomon maa iyou i TER ken Yerusalem la; ve ver ishima sha tom ve sha dondo sha dondo.

Nehemia 6:11

Kpa m kaa mer: Or er mo nahan kpaa nana yevese kwagh ha? Man shi ka hanma or er mo nahan, nana nyôr ken tempel, man nana lu uma here? Me nyôr ga.

Ekesodu 29:9

Kange ve atsar shin awenge, Aron a ônov nav; cir ve ader sha ityou; tom u pristi u̱ lu u ve sha tindi gbem sha won; kape ú ver Aron a ônov nav sha tom je la.

Esekiel 44:8

Ne kera wa iko sha tom u sha akaa Am a tseghan la ga; kpa ne gema ne ver atôatyev sha u a̱ eren Mo tom ken icighanjiir Wam.

Levitiku 22:10

Ma or u ken inya, nana̱ de ye icighankwagh ga; ma shiror u hen ya u pristi shin or u va eren tom sha tôndo kpaa, nana̱ de ye icighankwagh ga.

Numeri 1:51

Man á kuman u moughon a tabernakel yô, Mbalevi ve̱ sough un; á kuman u timin tabernakel kpaa, i̱ lu Mbalevi ve̱ tim ye; aluer or u ken inya nana kporom her yô, i̱ wua nan.

Numeri 16:10

man er A kporom a we kua anngôôv ou, ônov mba Levi cii kpaa, nahan kpaa kuma ne gaa? Shi tom u pristi kpaa ne mba kerene?

Numeri 16:35

Shi usu due hen TER, hia ior deri uhar man akunduahargber mba ve va nande nagh ku kwaghhumandoon la.

Numeri 16:40

sha u ve̱ lu Mbaiserael ikav i umbur kwagh, man sha u or u ken inya nan lu ken tsombor u Aron ga, nana de kporom er nana̱ nande kwaghhumandoon sha ishigh ki TER, nana gema á hingir er Koraki a ior nav nahan ga, er TER kaa Mose, Mose gema kaa un nahan.

Numeri 18:3

Ve̱ eren we tom kua tom u tenti cii; saa mkporom tsô, ve̱ de kporom hen ikav mbi icighanjiir man hen atse a nanden nagh sha mi la ga ye, sha er vea kpe ga, ve man ne kpaa ga yô.

Numeri 18:7

Kpa we a ônov ou yô, eren nen tom u pristi u sha hanma kwagh u hen atse a nanden nagh sha mi man u ken atô u ikondo i yisan la; ka her né eren tom ye; M na ne tom u pristi gbilin; or u ken inya u nana kporom her yô, i̱ wua nan.

Numeri 3:11

TER shi ôr kwagh a Mose kaa er:

Numeri 3:38

Mba ve̱ haan afo sha ishigh ki tabernakel vegher u sha ityoughkitaregh, sha ishigh ki tenti u kohol ker la, sha vegher u iyange i dugh la yô, lu Mose man Aron a ônov nav, mba ve eren tom u ken icighanjiir la, ka tom u i eren Mbaiserael je la; or u ken inya u nana kporom her yô, i̱ wua nan.

Mbaromanu 12:7

or u i ne nan tom u eren kpaa, nana̱ eren u je; or u i ne nan tom u tesen kpaa, nana̱ tesen je;

Mbaefese 2:19

Nahan yô, ne kera mba mbavannya kua ushirmbaiorov ga, ne mba nongo môm a uicighanmbaiorov ne mba mba ken ya u Aôndo je,

Duteronomi 18:5

Gadia TER, Aôndo wou, tsuwa un ken ikwe you cii, sha u a̱ tile a̱ eren tom ken iti i TER, un a ônov nav gbem sha won.

Mbaheberu 8:4

Aluer Una lu shin tar yô, mayange ma A lu pristi ga, gadia mbavan a uiwua va nan nagh a mi sha tindi vande mban je.

Mbaajiriv 17:5

Un Mika lu a iyou i civir Aôndo ker, nahan a er efodi man terafim shi a tsegha wan na môm er a̱ lu pristi na.

1 Samuel 6:19

Tsô A wua ior mba Bete-Shemeshi sha ci u ve kenger areki u TER yô; A wua ior akunduatargber, ior akunduahargber sha dubu; nahan ior zungwe sha ci u TER A woo ior kpishi yum yô.