Numeri 29:6 - ICIGHAN BIBILO

⁶ a nagh ku nanden ku sha mdugh u uweregh kua nagh ku sha samuyia ku maghen sha mi la imôngo, man nagh ku nanden ku gbem kua nagh ku sha samuyia ku maghen sha mi la, man iniav mbi man mbi maghen sha mi, sha tindi u mbi, i̱ lu kwagh u human doon; ka nagh ku usugh ku nan TER.

Numeri 29:6 Iomraidhean Croise

Esera 3:4

Shi ve er iniongo i atumbe, er i nger nahan, ve naan iniav mbi nanden ayange ayange sha iyenge i mbi, sha kwaghwan u i wa la, hanma iyange kwagh u i ver sha iyange la je;

Levitiku 6:9

Kaa Aron a ônov nav wer: Ka tindi u nagh ku nanden ne: Nagh ku nanden, ku̱ lu sha usu sha atse a nanden nagh sha mi, tugh jimin cii, zan zan sev mbu kar aven; usu a atsegh la u̱ lu sha mi gbem.

Numeri 15:24

yô, aluer ior cii er kwagh la man ve fa ga yô, nahan ior cii ve̱ zua, ve̱ va a gumbua sha ci u nagh ku nanden ku human doon TER kua nagh ku sha samuyia man nagh ku man ku i magh sha mi, sha tindi la, man kpev môm sha ci u nagh ku isholibo.

Numeri 15:4

or u nan ne nagh ku nan la, nana̱ na TER nagh ku sha samuyia, i̱ lu mwem ma kengese ma ma kom môm-ken-upue u efa ma i nongo mkurem sha mi ma ma kom môm-ken-unyiin u hin;

Numeri 28:27

kpa na nen TER nagh ku nanden ku human doon sha agumabua ahar man nomiyôngo môm man agumaiyôngo ataankarahar a a kom inyom i môm i môm yô;

Numeri 29:18

a nagh vegh ku sha samuyia ku maghen sha mi man iniav mbi man mbi maghen sha mi, sha anomabua man anomaiyôngo man agumaiyôngo la, sha iyenge i a sha tindi;

Numeri 29:21

a nagh vegh ku sha samuyia ku maghen sha mi man iniav mbi man mbi maghen sha mi, sha anomabua man anomaiyôngo man agumaiyôngo la, sha iyenge i a, sha tindi;

Numeri 29:5

man kpev môm sha ci u nagh ku isholibo, sha u nan iwom sha ci wen,

Numeri 7:13

nagh nagh yô, lu tasa u azurfa môm, myohom nam lu ushekel deri man ikundugber, man iwese i azurfa môm u sha ushekel akunduatargber, lu shekel u icighanjiir la; ve uhar cii ve iv a mwem ma kengese ma i nongo mkurem sha mi yô, sha ci u nagh ku sha samuyia;

Numeri 9:14

Aluer shiror u nan va nyer ne a nyôr, man á sar nan ka yan Paseka u TER yô, nana̱ ya un sha tindi u Paseka kua kwaghwan na kpaa, lu nen a tindi môm sha ci u shiror kua or u tar la jim.