Numeri 29:18 - ICIGHAN BIBILO

¹⁸ a nagh vegh ku sha samuyia ku maghen sha mi man iniav mbi man mbi maghen sha mi, sha anomabua man anomaiyôngo man agumaiyôngo la, sha iyenge i a sha tindi;

Numeri 29:18 Iomraidhean Croise

Levitiku 2:1

Aluer a̱ lu anti or ka nan TER nagh ku sha samuyia yô, nagh ku nan ku̱ lu sha mwem ma kengese; nana̱ haa mkurem sha mi, shi nana̱ penda libano u human doon sha mi kpaa;

Levitiku 23:18

Va nen a agumaiyôngo ataankarahar a a lu a ihogholough iyol ga, a a kom inyom i môm i môm yô, man gumbua môm kua anomaiyôngo ahar, a ubredi mbala imôngo, i̱ na TER nagh ku nanden mi, a nagh vegh ku sha samuyia, kua iniav mbi man imôngo cii ka nagh ku usugh ku human doon ku nan TER je la.

Numeri 28:14

Iniav mbi man mbi á magh sha mi yô, mbi̱ lu wain, a̱ kuma vegher u hin sha nombua, man môm-ken-utar u hin sha nomiyôngo, man môm-ken-unyiin u hin sha gumiyôngo; ka nagh ku nanden ku sha iwer iwer, sha iwer i inyom la cii je la.

Numeri 28:7

Nagh ku man ku á magh sha mi yô, ku kuma môm-ken-unyiin u hin sha ci u hanma gumiyôngo; ka ken icighanjiir je ú toon TER nagh ku man ku kwaghman u taver la, hen inya ye.

Numeri 29:6

a nagh ku nanden ku sha mdugh u uweregh kua nagh ku sha samuyia ku maghen sha mi la imôngo, man nagh ku nanden ku gbem kua nagh ku sha samuyia ku maghen sha mi la, man iniav mbi man mbi maghen sha mi, sha tindi u mbi, i̱ lu kwagh u human doon; ka nagh ku usugh ku nan TER.