Numeri 28:9 - ICIGHAN BIBILO

⁹ Sha iyange i memen yô, i̱ lu agumaiyôngo ahar a a kom inyom i môm i môm, a a lu a ihogholough iyol ga yô, man mwem ma kengese ma ma kom uikaren uhar-ken-upue u efa sha ci u nagh ku sha samuyia, ma i nongo mkurem sha mi yô, kua nagh ku man ku maghen sha mi kpaa;

Numeri 28:9 Iomraidhean Croise

2 Utor 4:23

A kaa er: Ka nyi man i sar u u zan her a na nyiana? Ka uwer u he ga, shi ka iyange i memen kpaa ga. A kaa er: Dem tsô hô!

2 Kroniku 2:3

Shi Solomon tindi loho hen Huram tor u Tiru, a kaa er: Er lu u er a terem Davidi, u tindi un a ikon i sedar sha u i̱ maan un iyou i tsan ker la, yô, mo kpaa er a mo nahan.

2 Kroniku 2:4

Nenge, m ngu kohol iyol sha u maan iyou sha ci u iti i TER, Aôndo wam, sha u tseghan i sha ci Na, sha u nanden ilyôghonov mbi human doon sha ishigh Nagh, man shi sha ci u ubredi mba sha ishi mba lun her gbem la, man shi sha ci u iniav mbi nanden pepe man aikighe, sha ayange a memen sha iwer i he, man sha uiniongo mba i ver sha ashighe ashighe la, mba TER, Aôndo wase. Ka kwagh u Iserael una eren gbem je la.

2 Kroniku 8:13

i gba nan nagh vough er i ver sha hanma iyange nahan, sha imo i Mose, ka sha ayange a memen man sha ayange a iwer i he, man sha uiniongo mba i ver sha hanma inyom kwa tar yô; ka sha iniongo i bredi u i we kwa sha mi ga, man iniongo i ulahadi, kua iniongo i atumbe.

Yesaia 58:13

Aluer wea hide a nguhar wou ijime sha iyange i memen, wea kera er tom wou sha icighanyange Yam ga, aluer wea yila iyange i memen wer: Ka kwagh u saren mo, man ka icighanyange i TER, kwagh u icivirigh je, man ú civir i, er ú kera za sha igbenda you ga, shin ú ker ian sha ci u tom wou ga, shi ú kera ôr akaa a ou kpaa ga yô,

Esekiel 20:12

Man shi M na ve ayange a memen a Am sha u a̱ lu ikav her atô Wam a ve, sha u ve̱ fa er Mo TER M tsegh ve yô.

Esekiel 46:4

Nagh ku nanden ku tor una na TER sha iyange i memen yô, kua lu agumaiyôngo ataratar a a lu a ihogholough iyol ga yô, man nomiyôngo kpaa, u a lu a ihogholough iyol ga yô,

Numeri 28:10

ka nagh ku nanden ku sha hanma iyange i memen je ne, man shi nagh ku nanden ku gbem ku bunden ga la, kua nagh ku man ku maghen sha mi.

Numeri 28:8

Gumiyôngo ugen la yô, ú na nagh a mi aikighe; er u ne nagh ku sha samuyia ku pepe man nagh ku man ku i magh sha mi la nahan, kape ú naan kun kpaa la; ka nagh ku usugh ku human doon TER.

Mpase U Yohane 1:10

M lu ken Jijingi sha iyange i Ter, tsô m ungwa zegeimo ken ijime yam er ka ikpamkor nahan,