Numeri 28:2 - ICIGHAN BIBILO

² Kaa ônov mba Iserael wer: Ver nen asema, nam nen nagh Agh, kwaghyan Wam, sha ci u iniav Yav mbi usuv mbi humandoon la, sha ashighe a i ver yô.

Numeri 28:2 Iomraidhean Croise

Genese 8:21

TER ungwa ihuma i dedoo; nahan TER kaa ken ishima Na er: Me kera wa tar ifan sha ci u or ga, gadia mhen u ishima i or ka u bo, hii sha iyev mbu nan je; man shi Me kera tsaha akaauma er M vande eren nahan ne ga.

1 Kroniku 23:31

man shi u nan TER iniav mbi nanden cii sha ayange a memen man sha mdugh u iwer i he, man sha ashighe a iniongo, sha iyenge i i ver mbi la, sha ishigh ki TER gbem;

2 Kroniku 23:18

Man shi Yehoyada ver tom u ken iyou i TER sha ikev i upristi mba ve lu Mbalevi, mba Davidi lu pav ve iniongo iniongo ken iyou i TER er ve̱ naan iniav mbi nanden mbi TER, er i nger ken atindi a Mose nahan, a iember man atsam a wan, sha imo i Davidi.

2 Kroniku 31:3

Man shi iwua i tor a ne sha inyaregh nagh la, lu sha ci u iniav mbi nanden: iniav mbi nanden mbi pepe man mbi aikighe, man shi iniav mbi nanden sha ayange a memen, man sha iwer i he, kua sha ayange a iniongo la, er i nger ken atindi a TER nahan.

Esera 3:2

Tsô, Yeshua wan u Yosadaki mough a anmgbianev nav upristi kua Serubabel wan u Shealtiel man anmgbianev nav ve ta atse a nanden nagh sha mi a Aôndo u Iserael, er i̱ naan nagh ku nanden sha a, er i nger ken atindi a Mose or u Aôndo la nahan.

Esera 3:3

Ve ta atse la hen ijiir i a, sha ci u ve cia ior mba hen tar la, ve na TER iniav mbi nanden sha a, ka iniav mbi nanden pepe kua a aikighe je la.

Nehemia 10:34

Man se, upristi man Mbalevi kua ior mbagenev sé er ishor sha u fan mba vea naan ikon i van a mi ken iyou i Aôndo wase yô, sha uya mba uter asev, sha ashighe a i ver sha anyom anyom la, sha u nanden sha atse a nanden nagh sha mi a TER, Aôndo wase, er i nger ken atindiakaa nahan.

Upasalmi 81:3

Tôngo nen korough sha iyange i uwer u he u u dugh yô, man sha iyange i u hingir jimin, ka iyange i iniongo yase je la.

Ekesodu 23:15

Eren nen iniongo i bredi u i we kwa sha mi ga yô; ayange ataankarahar cii, ú ya bredi u i we kwa sha mi ga la, er M kaa u nahan, sha shighe u i ver la, sha uwer u Abiba; gadia ka sha u man u dugh ken tar u Igipiti ye; or a̱ de ve sha ishigh Yagh aveve ga;

Ekesodu 29:18

Nande nomiyôngo la jimin cii sha atse, ka nagh ku nanden TER, ka ihuma i doon, man nagh ku usugh ku nan TER je la.

Esekiel 16:19

Kwaghyan Wam u M ne u kpaa, mwem ma kengese ma m koso u sha mi kua mkurem man iyough, u ver mbi sha ishi sha ci u ihuma i dedoo; kape i lu la, kape Ter AÔNDO A kaa ne.

Esekiel 20:41

Er ka kwaghhumandoon nahan, kape Me rumun ne, zum u Me due a ven ken akuraior, man Me kohol ne ken ityar i i sambe ne ker la; man Me pase mtsegh Wam ken a ven sha ashe a akuraior.

Esekiel 45:17

Tor yô, kwagh na ka u nan iniav mbi nanden man iniav mbi sha samuyia man iniav mbi man, sha uiniongo, man sha iwer i he, man sha ayange a memen, sha uiniongo mba i ver ken ya u Iserael cii; ka un una na nagh ku isholibo man nagh ku sha samuyia man nagh ku nanden man iniav mbi bem sha u nan iwom, sha ci u ya u Iserael ye.

Levitiku 1:13

kpa ikav mbi kimi kua angahar a i yô, nana̱ ôô sha mnger; pristi a̱ va a mi cii, a̱ va nande sha atse; ka nagh ku nanden ku usugh ku human doon ku nan TER je la.

Levitiku 1:17

A̱ ande un hen akper a na, kpa a̱ de paven vegher a̱ gbe ken inya ga; pristi a̱ nande un sha atse, sha ikon i i lu sha usu la; ka nagh ku nanden ku usugh ku human doon ku nan TER.

Levitiku 1:9

kpa ikav mbi kimi kua angahar yô, nana̱ ôô sha mnger; pristi a̱ gema cii a̱ nande sha atse a nanden nagh sha mi, i̱ lu nagh ku nanden, ka nagh ku usugh ku human doon ku nan TER je la.

Levitiku 21:6

Ve̱ lu uicighanmbaiorov mba Aôndo je, ve̱ de hôngor a iti i Aôndo ve ga; gadia mba ne iniav mbi usuv mbi TER, ka kwaghyan u Aôndo ve je la; nahan yô, ve̱ lu uicighanmbaiorov.

Levitiku 21:8

Nahan tsegha un, gadia ne nagh, ka kwaghyan u Aôndo wou je la; a̱ lu u icighanor je; gadia Mo TER u M tsegh ne ne, M ngu icighan je.

Levitiku 3:11

Pristi a̱ gema cii, a̱ nande sha atse; ka kwaghyan u nagh ku usugh ku nan TER.

Malaki 1:12

Kpa ne hôngor a i er ne kaan ner: Tebul u TER hôngor, man atam a na, ka kwaghyan na je la, ka kwagh u injaa ga.

Malaki 1:7

Ne mba nan nagh sha kwaghyan u hôngorough sha atse Am a nanden nagh sha mi, nahan kpaa ne mba kaan ner: Ka sha nyi se hôngor a we? ka er ne kaan ner: Tebul u TER ka kwagh u injaa ga yô.

Numeri 15:24

yô, aluer ior cii er kwagh la man ve fa ga yô, nahan ior cii ve̱ zua, ve̱ va a gumbua sha ci u nagh ku nanden ku human doon TER kua nagh ku sha samuyia man nagh ku man ku i magh sha mi, sha tindi la, man kpev môm sha ci u nagh ku isholibo.

Numeri 15:3

man á sar ne ka nan TER nagh ku usugh, a lu nagh ku nanden, shin nagh ku sôngon, sha u kuren iceghzwa, shin nagh ku sha ishima i dedoo, shin ku sha uiniongo mba i ver sha ashighe ashighe la, sha u eren TER kwaghhumandoon sha ibua shin sha iyôngo yô,

Numeri 15:7

man na wain sha ci u nagh ku man a̱ kuma ci môm ken utar u hin; ka kwagh u human doon TER.

Numeri 28:1

TER ôr kwagh a Mose, A kaa er:

Numeri 29:39

Naan nen TER mbin, sha uiniongo enev mba i ver sha ashighe ashighe la, kua uiceghzwa enev man iniav yenev mbi sha ishima i dedoo kpaa, i̱ lu iniav yenev mbi nanden man iniav yenev mbi sha samuyia man iniav yenev mbi man, man iniav yenev mbi bem.

Numeri 9:13

Kpa or u nan lu wang nan lu ken zende kpaa ga, man nan we iko u yan Paseka ga yô, i̱ dugh nan ken nongo u nan kera, gadia nan na TER nagh sha shighe u i ver la ga, or la nana tôô isholibo i nan.

Numeri 9:7

ior mbala kaa a na er: Se yô, se kera mba wang ga, sha ci u se bende a ikomor yô, man ka nyi i yange se u nan TER nagh a Mbaiserael imôngo sha shighe u i ver laa?

2 Mbakorinte 2:15

Gadia se mba ihuma i doon i Kristu sha ci u Aôndo hen mba i lu yiman ve la man shi hen mba ve lu timin la kpaa.

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.

Mbafilipi 4:18

Akaa a ne tindi a mi la m zua a mi hen Epafroditu. I nam cii, neer mo a neer, m mgbough a mi je, ka ihuma i doon, ka nagh ku doon ku ku kom Aôndo yô.