Numeri 28:11 - ICIGHAN BIBILO

¹¹ Sha mhii u hanma uwer wen yô, naan nen TER nagh ku nanden, agumabua ahar man nomiyôngo môm man agumaiyôngo ataankarahar a a kom inyom i môm i môm, a a lu a ihogholough iyol ga yô,

Numeri 28:11 Iomraidhean Croise

2 Utor 4:23

A kaa er: Ka nyi man i sar u u zan her a na nyiana? Ka uwer u he ga, shi ka iyange i memen kpaa ga. A kaa er: Dem tsô hô!

1 Kroniku 23:31

man shi u nan TER iniav mbi nanden cii sha ayange a memen man sha mdugh u iwer i he, man sha ashighe a iniongo, sha iyenge i i ver mbi la, sha ishigh ki TER gbem;

2 Kroniku 2:3

Shi Solomon tindi loho hen Huram tor u Tiru, a kaa er: Er lu u er a terem Davidi, u tindi un a ikon i sedar sha u i̱ maan un iyou i tsan ker la, yô, mo kpaa er a mo nahan.

2 Kroniku 2:4

Nenge, m ngu kohol iyol sha u maan iyou sha ci u iti i TER, Aôndo wam, sha u tseghan i sha ci Na, sha u nanden ilyôghonov mbi human doon sha ishigh Nagh, man shi sha ci u ubredi mba sha ishi mba lun her gbem la, man shi sha ci u iniav mbi nanden pepe man aikighe, sha ayange a memen sha iwer i he, man sha uiniongo mba i ver sha ashighe ashighe la, mba TER, Aôndo wase. Ka kwagh u Iserael una eren gbem je la.

2 Kroniku 8:13

i gba nan nagh vough er i ver sha hanma iyange nahan, sha imo i Mose, ka sha ayange a memen man sha ayange a iwer i he, man sha uiniongo mba i ver sha hanma inyom kwa tar yô; ka sha iniongo i bredi u i we kwa sha mi ga, man iniongo i ulahadi, kua iniongo i atumbe.

Esera 3:5

ken masejime la yô, lu nagh ku i nanden ku gbem, bunden ga la, man iniav mbi sha iwer i he, man mbi sha uiniongo mba TER mba i ver ve, i tsegh ve la cii, man ku hanma or u nan ne TER nagh sha ishima i dedoo yô.

Nehemia 10:33

sha ci u ubredi mba sha ishi, man nagh ku sha samuyia ku ayange ayange, man nagh ku nanden ku ayange ayange, man ku sha ayange a memen man sha iwer i he, man sha ci u uiniongo, man sha ci u uicighanmbaakaav, man iniav mbi asorabo sha u wamen sha ci u Iserael, man sha ci u tom u iyou i Aôndo wase cii.

Upasalmi 40:6

Nagh ku sôngon man nagh ku sha samuyia ka ma kwagh u doon We ishima ga; U bughum ato. Nagh ku nanden man ku isholibo yô, U kaa Wer, i̱ na ku kpee ga.

Upasalmi 40:8

Doom u eren ishima You, Aôndo wam; atindiakaa a Ou ngam ken ishima.

Upasalmi 81:3

Tôngo nen korough sha iyange i uwer u he u u dugh yô, man sha iyange i u hingir jimin, ka iyange i iniongo yase je la.

Upasalmi 81:4

Gadia ngun ka kwaghwan hen Mbaiserael je ne, ka iniezwa i Aôndo u Yakob je la.

Yesaia 66:23

Tsô hii sha uwer u he ne zan zan ar sha uwer u he ugen, man hii sha iyange i memen ne zan zan ar sha iyange i memen igen, uuma cii vea va gure sha ishigh Yagh, kape TER A kaa la.

Esekiel 46:1

Ter AÔNDO ngu kaan nahan er: Hunda u tembe u ken atô u u ver ishigh vegher u sha ityoughkitaregh la, i̱ wuhe u ayange ateratar a yaren tom la cii, kpa sha iyange i memen yô, i̱ bugh u, man sha iyange i uwer u he kpaa, i̱ bugh u.

Esekiel 46:6

Kpa sha iyange i uwer u he la yô, ku a lu gumbua u a lu a ihogholough iyol ga yô, man agumaiyôngo ataratar kua nomiyôngo môm, mba ve lu a ihogholough iyol ga yô;

Esekiel 46:7

una na nagh ku sha samuyia, efa môm sha ci u nombua, man efa môm sha ci u nomiyôngo, man sha ci u agumaiyôngo er a fetyô yô, man hin u mkure môm sha hanma efa.

Hosea 2:11

Me er msaanyol na kpaa una bee man uiniongo nav man iwer i he na man ayange a memen a na kua uiniongo nav mba i ver sha ashighe ashighe la cii.

Levitiku 1:13

kpa ikav mbi kimi kua angahar a i yô, nana̱ ôô sha mnger; pristi a̱ va a mi cii, a̱ va nande sha atse; ka nagh ku nanden ku usugh ku human doon ku nan TER je la.

Levitiku 1:3

Aluer nagh ku nan, á lu ku nanden ku sha abua yô, nana̱ na nom u a lu a ihogholough iyol ga yô, nana̱ za na hen hunda u tenti u kohol ker la, sha er TER Una rumun nan yô.

Levitiku 1:9

kpa ikav mbi kimi kua angahar yô, nana̱ ôô sha mnger; pristi a̱ gema cii a̱ nande sha atse a nanden nagh sha mi, i̱ lu nagh ku nanden, ka nagh ku usugh ku human doon ku nan TER je la.

Amoshi 3:5

Inyon i gbe ken kwaghhônon shin inya, zum u ka a hôn i ga kpa? Kwaghhônon una yôhôl aluer kwagh una gba ker ga kpa?

Amoshi 8:5

ne kaan ner: Ka hanma shighe uwer u he ne ua bee sha er sé tee samuyiaa? Man iyange i memen kpaa sha er sé tee kasua u alakema? sha u sé hide a efa ijime man geman kehen shekel a kehe, man sha u nyighen ior sha ikaren i icughugh;

Numeri 10:10

Sha ayange a en a ember kpaa, man sha ayange a uiniongo enev, man mdugh u iweregh kpaa, tôngon nen ukakaki sha iniav yenev mbi nanden kua iniav yenev mbi sôngon mbi bem kpaa, vea na á umbur ne sha ishigh ki Aôndo wen; ka Mo TER M lu Aôndo wen ye.

Numeri 28:19

na nen TER nagh ku usugh, ka nagh ku nanden je la, sha agumabua ahar man nomiyôngo môm man agumaiyôngo ataankarahar a a kom inyom i môm i môm yô, a a lu ne a ihogholough iyol ga yô;

Mbagalatia 4:10

Ne mba kor ayange man iwer man ashighe kua anyom.

Mbakolose 2:16

Nahan yô, ma or nana̱ de kera ôron ne ijir sha kwagh u kwaghyan man kwaghman shin sha kwagh u iniongo shin uwer u he shin iyange i memen kpaa ga.

Mbakolose 2:6

Nahan er ne rumun Kristu Yesu ner ka Ter yô, shi zenden nen ken a Na nahan vough,

1 Samuel 20:5

Tsô Davidi gema kaa a Yonatan er: Nenge, kper uwer u he ua due, man ka u me tema kwaghyan a tor kpee je; kpa dem, m̱ za, m̱ za yer ken toho zan zan iyange i sha utar, aikighe.

1 Samuel 9:12

Ve gema ve kaa er: Ngu her; ngula sha hemen la; yô, za nen fefa, gadia ka nyian je a nyer ken gar ye; ior mba nan nagh ku sôngon sha ijiir i taven sha nyian.