Numeri 27:7 - ICIGHAN BIBILO

⁷ Ônov mba kasev mba Selofehadi kaa sha mi, na ve kwar a anngôôv mba ter ve imôngo kpee; gema dyako u ter ve la na ve.

Numeri 27:7 Iomraidhean Croise

Yobu 42:15

Ken tar la cii, i zua a kasev mba doon ashe er ônov mba Yobu nahan ga; ter ve na ve dyako a anmgbianev vev mba nomso imôngo.

Upasalmi 68:5

Aôndo ka ter u ancôgholov, man orjir u kasev mba côgholov, ken icighanyou Na la.

Yeremia 49:11

Undu ancôgholov ou, Me kura ve ve̱ lu uma; kasev mba côgholov ou kpaa, ve̱ suur sha a Mo.

Numeri 27:6

TER ôr kwagh a Mose, kaa er:

Numeri 27:8

Ôr kwagh a Mbaiserael, kaa a ve wer: Aluer or á kpe man nana lu a wannomso ga yô, i̱ gema dyako u nan i̱ na wan u nan u kwase.

Numeri 36:5

Tsô Mose kaa a Mbaiserael sha imo i TER, er: Kwe u ônov mba Yosev kaa mimi.

Numeri 36:6

Ka kwagh u TER A kaa sha kwagh u ônov mba kasev mba Selofehadi ne er, ve̱ er noov sha asema a ve, kpa i̱ lu ken ipaven u kwe u ter ve, ve̱ er ye.

Mbagalatia 3:28

Or u Yuda kua or u Grika kera ngu ga, kpan kua wan kpaa kera mba ga, nomsoor kua kwase kpaa kera mba ga, gadia ne cii ne mba môm ken Kristu.

Yosua 17:4

tsô ve va hen pristi Eleasar man Yosua wan u Nun kua mbahemenev, ve kaa er: TER lu kaa a Mose er, a̱ na se dyako ken anmgbianev asev; nahan a na ve dyako ken anmgbianev mba ter ve sha imo i TER la.