Numeri 27:3 - ICIGHAN BIBILO

³ TER wase kpe ken desereti, man un yô, nyôr nongo a ior mba ve hingir ayongo a TER la ga, ka ior mba Koraki je la, kpa a kpe sha isholibo na iyol na, wannomso kpaa lu a mi ga.

Numeri 27:3 Iomraidhean Croise

Esekiel 18:4

Nenge, uuma cii ka mba Av je, uma u ter kua uma u wan kpaa ka u Wam je; or u nan eren isholibo yô, ka nan nana kpe ye.

Numeri 14:35

Mo TER M kaa nahan, kape Me er a ior mba bov mban ne cii, mba ve kohol ve hendan a Mo ne, vea tim ken desereti ne je, ka keregh vea kpe ye.

Numeri 16:19

Koraki kohol ior cii, hingir ayongo a ve, hen hunda u tenti u kohol ker la; tsô iengem i TER va ande hen ior cii.

Numeri 16:49

Ior mba ve kpe sha bouange la yô, lu ior dubu pue kar unyiin man deri utaankaruhar je, i ôr ior mba ve kpe sha kwagh u Koraki la ga.

Numeri 26:33

Selofehadi wan u Hefer lu a wan u nomso ga, a lu a ônov mba kasev tseegh; ati a ônov mba kasev mba Selofehadi yô, ka: Mahela man Noa man Hogela man Milka kua Tirsa.

Numeri 27:2

Ve tile sha ishigh ki Mose man pristi Eleasar man sha ishigh ki mbahemenev man ior cii, hen hunda u tenti u kohol ker la, ve kaa er:

Numeri 27:4

Inja na nan iti i ter wase i̱ gba saan ken nongo na kera, sha ci u a lu a wannomso ga nahana? Yô, na se dyako a anngôôv mba ter wase mba nomso imôngo.

YOHANE 8:21

Tsô Yesu shi kaa a ve er: Me yem, né kerem, kpa né kpe ken isholibo yen; hen ape Me za la, ne fatyô u zan ga.

YOHANE 8:24

Ka nahan man M kaa a ven Mer: Né kpe ken isholibo yen ye; gadia aluer ne na jighjigh ner, Mo M ngu Un ga yô, né kpe ken asorabo a en.

Mbaromanu 5:12

Nahan yô, er isholibo nyôr shin tar sha or môm, man ku gema va sha ci u isholibo yô, nahan ku va sha ior cii sha ci u ve cii ve er isholibo yô.

Mbaromanu 5:21

Ka sha u, er isholibo i tema tor sha ku yô, kape mrumun u sha mhôôn di kpaa a̱ tema tor sha perapera u zan ken uma u tsôron sha Yesu Kristu Ter wase la.

Mbaromanu 6:23

Gadia injar i isholibo i kimbin yô, ka ku, kpa iwua i sha mrumun u sha mhôôn u Aôndo yô, ka uma u tsôron ken Kristu Yesu Ter wase.