Numeri 26:55 - ICIGHAN BIBILO

⁵⁵ Nahan kpaa, ka sha ishor i eren á kar tar la ye; ka sha ati a ikwe i uter vev vea ya dyako ye.

Numeri 26:55 Iomraidhean Croise

Anzaakaa 16:33

Ka i er ishol sha ikum, kpa mkur u i cii yô, ngu sha ikev i TER je.

Anzaakaa 18:18

Ishor i eren ka i kure anyimanaikaa, man i pav mbaageev kpaa.

Esekiel 47:22

Kar nen tar sha ishor i eren sha ci u u̱ lu dyako wen, ne kua atôatyev a a lu shir her a ven, a a mar ônov her a ven yô; a̱ hingir her a ven vough er ônov mba ityôôv ken atô u ônov mba Iserael nahan; a̱ ya dyako a ven imôngo, ken ikwe i Iserael.

Numeri 26:56

Ka sha ishor i eren man á kar mba ve ngee man mba ve ndahar la kpaa, dyako ve ye.

Numeri 33:54

Ya nen dyako u tar la sha ishor i eren sha uipaven enev; mba ve ngee yô, na nen ve dyako a̱ ngee, mba ve ndahar yô, na nen ve dyako a̱ ndahar, henpe ishor i tese hanma or yô, hingir kwagh u nan heregh je ve; ka sha ikwe i uter enev, ya nen dyako ye.

Numeri 34:13

Mose kaa a Mbaiserael er: Ka tar u né ya dyako sha mi sha ishor i eren je ne, u TER A kaa er i̱ na ikwe i itiankarinyiin man vegherkwe ne;

Numeri 36:2

ve kaa er: TER kaa a terem er a̱ na Mbaiserael tar sha ishor i eren u̱ hingir dyako ve; shi TER kaa a terem kpaa er, i̱ gema dyako u Selofehadi anngô wase, i̱ na ônov nav mba kasev.

Aerenakaa A Mbaapostoli 1:26

Tsô ve er ishor, ishor gba sha Matia; i maa i ver un a mbaapostoli mba pue kar môm mbala imôngo.

Mbakolose 1:12

ne̱ sugh Ter u A na ne ne kuma u lun a kwar ken dyako u uicighanmbaiorov ken iwanger.

Yosua 11:23

Kape Yosua ngohol tar cii la, sha kwagh u TER ôr a Mose cii; Yosua na Iserael dyako sha u, sha uipaven vev sha ikwe ve. Tar la maa mem ityav.

Yosua 14:2

sha ishor i eren, hingir dyako ve ne, sha imo i TER kaa Mose, Mose gema ôr ve la, sha ci u ikwe i itiankarinyiin man vegherkwe la.

Yosua 17:14

Tsô ônov mba Yosev ôr kwagh a Yosua kaa er: Ka nyi u nem dyako kwar môm man ci môm tseeghe? Mo u m lu zegeikurior je, sha er TER A verem doo doo zan zan hegen ne.

Yosua 18:6

Pav nen tar atôôn ataankarahar, nger, va nen a mi her a mo; yô, me er ne ishol sha mi sha ishigh ki TER, Aôndo wase.

Yosua 19:1

Kwar u sha uhar gba sha Shimeon, ka kwe u ônov mba Shimeon je la, sha icombor ve; dyako ve lu her atô u dyako u ônov mba Yuda.

Yosua 19:10

Kwar u sha utar gba sha ônov mba Sebulon sha icombor ve; ikighir i dyako ve yô, ar sha Saridi;

Yosua 19:17

Kwar u sha unyiin gba sha Isakar, ka sha ci u ônov mba Isakar je la, sha icombor ve.

Yosua 19:24

Kwar u sha utaan gba sha kwe u ônov mba Asher sha icombor ve.

Yosua 19:32

Kwar u sha ataratar gba sha ônov mba Nafetali, ka ônov mba Nafetali sha icombor ve je la.

Yosua 19:40

Kwar u sha utaankaruhar gba sha ônov mba Dan sha icombor ve.