Numeri 26:29 - ICIGHAN BIBILO

²⁹ Ônov mba Manase yô, ka: Makir orhemenegh u ipaven u Mbamakir; Makir mar Gileadi, Gileadi gema lu orhemenegh u ipaven u Mbagileadi.

Numeri 26:29 Iomraidhean Croise

Genese 48:14

Iserael naregh uwegh nagh ku yanegh, penda sha ityough ki Eferaim u a lu u kiriki la, uwegh nagh ku imesegh gema penda sha ityough ki Manase, a peregh ave na; gadia ka Manase man a lu u iunda ye.

Genese 50:23

Yosev nenge ônov mba Eferaim ikov itiar je; man ônov mba Makir, wan u Manase kpaa, i mar ve sha ikum i Yosev je.

1 Kroniku 2:21

Ken masetyô la, Heseron yav a wan u Makir ter u Gileadi; a lu anyom akunduatar zum u a er un la; a mar Segubi a na.

Numeri 36:1

Tsô mbavesen mba sha uya mba uter mba hen ipaven u ônov mba Gileadi, wan u Makir, wan u Manase, u hen uipaven mba ônov mba Yosev za va, va ôr kwagh a Mose man mbahemenev mbavesen mba sha uya mba uter, mba ônov mba Iserael la;

Duteronomi 3:15

Makir yô, m na un Gileadi.

Yosua 17:1

Kwe u Manase ngohol kwar ve; gadia wen lu waniunda u Yosev. Makir wan u Manase, ter u Gileadi, lu or u nôngon ityav, nahan a zua a Gileadi kua Bashan.

Mbaajiriv 5:14

Ken Eferaim yô, mba mise ve u lu ken Amaleki la, ve sen; mba ve dondo yô, lu Benyamin, her atô u ior ou; ken Makir mbahemenev sen, ken Sebulon kpaa mba ve lu a tôgh ku tor.