Numeri 23:9 - ICIGHAN BIBILO

⁹ Gadia er m til sha ityough ki avande yô, m nenge a na; er m til sha agungu yô, m kav un; nenge, ka ikurior i teman tseke ve, mba nongo a akuraior agen ga.

Numeri 23:9 Iomraidhean Croise

Esera 9:2

Gadia ve er ônov vev mba kasev sha ci ve ayol a ve man sha ci u ônov vev kpaa; nahan icighantsombor nungwa a atôatyev a hen ityar ne; ka atiator man mbatarev je, ve hemen sha kwaghbo ne ye.

Eseter 3:8

Tsô Haman kaa a tor Ahasueru er: Ikurior igen ngi; ngi saratete, paleghaa, ken akuraior a a lu ken uipaven mba tar wou cii, atindi a ve nga kposo a hanma ikurior, mba we atindi a tor iko kpaa ga, nahan doo u tor á gba den ve nahan ga.

Ekesodu 33:16

Gadia ka sha nyi je man á fa er i doo U a mo kua ior Ou mbana? Kera ka sha mze u Ú za a vese imôngo la gaa? Ka nahan man mo kua ior Ou se lu kposo a ior mba ve lu sha won cii ye.

Yeremia 46:28

We, Yakob wanakiriki Wam, de cie ga, kape TER A kaa ne; gadia M ngu a we; gadia Me tim akuraior cii, a M sambe u ken a la, kpa we yô, Me tim u cii ga, kpa Me tsaha u akuma akuma, Me gba den we nahan tsô ga.

Yeremia 49:31

Mough, kôndo nen hen ikurior i i tem bem bem a ishima i nyian ga la, kape TER A kaa ne, i i lu a ihinda man uishindan kpaa ga, man i tem tseke u i la.

Amoshi 9:9

Gadia, nenge, Me na zwa, Me yegher ya u Iserael ken akuraior cii, er ka i yegher uwua sha tser nahan, nahan kpaa ishange i môm ia gba inya ga.

Mika 7:14

Kura ior Ou sha gbough Ough, ikumuile i dyako Wou, mba ve tem tseke ve, ken ikô ker atô u Karmel; de, ve̱ yaan toho ken Bashan man Gileadi er sha ayange a tsuaa la nahan.

2 Mbakorinte 6:17

Nahan yô, due nen ken atô ve kera, lu nen kposo, kape Ter A kaa la, kwagh u hôngorough kpaa, de benden nen ave ga. Nahan Mo Me rumun ne,

Duteronomi 32:8

Zum u Uhembansha na akuraior a sha won dyako ve la, zum u A pav ônov mba iorov yô, A ver akuraior akighir a ityar ve sha iyenge i ônov mba Iserael.

Duteronomi 33:28

Nahan Iserael tema bem bem. Imbor i Yakob tema kposo, ken tar u alakema man wain; a er, Usha nav mba nôndon avure.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.