Numeri 23:24 - ICIGHAN BIBILO

²⁴ Nenge, ikurior ne ngi moughon er ngôbegha nahan, man ngi moughon tilen tswang er begha nahan; una yav inya ga, saa una ya kwagh u a tusu a min, man una ma awambe a mba a woo ve yô.

Numeri 23:24 Iomraidhean Croise

Genese 49:27

Benyamin ka gbaseela u vihin kwagh, pepe ka a ya kwagh u a woo yô, aikighe yô, a gema a kar kwar sha ishar la.

Genese 49:9

Yuda ka gumbegha; u mough hen kwagh u u ker yô, wan wam, u kôndo; a ngurum, a var inya er begha yô, man er ngôbegha nahan; ka an je nana cihi á num unuu?

1 Utor 10:20

Ubegha pue kar uhar tile sha agbur a unden sha mi ataratar la, ken imbusu ne kua ngila kpaa; mayange je i er kwagh nahan ken tartor ugen ga.

2 Kroniku 9:18

Agbur a unden sha ikônough ki torough kila lu ataratar, ijiir i pendan angahar kpaa lu, i er i sha zenaria, i zua i sha ikônough ki torough kila, man i gema i wa un igyar i kôron ave sha mi, vegher ne, man vegher la, henpe teman la; ubegha uhar tile hen igyar i kôron ave sha mi la;

Upasalmi 17:12

Ngu er begha u i sar un pe tusen nahan, bee er ka gumbegha u keghen ken ajiir a iuvugh yô.

Anzaakaa 30:30

ka begha u a hembe agee ken inyamtoho cii, te ma or gbenda ga;

Yesaia 31:4

Gadia TER kaam nahan er: Er begha man gumbegha ka a ta kume sha inyam na i a woo nahan, shin á yila ikpela i mbakuranilev sha u va tan num sha a na je kpaa, una wa imo ve iko ga man una cia ayôôso a ve kpaa ga; kape TER u akum a Sha kpaa Una sen sha u va nôngon ityav a uwo u Shion kua a igungu na kpaa la.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Amoshi 3:8

Begha ta kume, yô, ka an je nana de ciana? Ter AÔNDO ôr kwagh, yô ka an je nana de pasenaa?

Nahum 2:11

Ivugh i ubegha ngi hana, ijiir i yan kwagh i agumaubegha la? Henpe begha man ngôbegha ve zenden a wanbegha yô, man ma or ta ve mciem iyol ga la.

Nahum 2:12

Begha ande avur avur kuma sha ci ônov nav, man a sende ishôso ave iker sha ci u ungômbaubegha, a iv ubar nav sha ishar, man avugh a na sha agunduainyam.

Sekaria 12:6

Sha iyange la Me er mbahemenev mba Yuda vea hingir er gbande u lun a usu ken atô u ikon, man er ikaghusu ken atô u aile a uyia nahan; vea nande akuraior a a kase ve la cii ken iyan kua ken imese kpaa; Yerusalem una lu her hen ijiir na, ka hen Yerusalem je la.

Numeri 23:25

Tsô Balaki kaa a Balaam er: Yô ifan kpaa de we ve ga, iveren kpaa de kera veren ve doo doo ga.

Numeri 24:17

M nenge a na, kpa ka hegen ga; m ta ashe m nenge a na, kpa ka ikua ga; ishan ia due ken Yakob, tôgh ku torough kua lu hen Iserael, una hembe a-ase a Moabi, una zôhô ônov mba Setu.

Duteronomi 33:20

Sha Gadi yô, a kaa er: I̱ wuese Un u A gbanger Gadi la; a uve er ngôbegha nahan, a ande uwegh kua ihaghtyo je kpaa.

Mpase U Yohane 5:5

Kpa or môm u ken mbatamen la kaa a mo er: De vaan ga. Nenge, Begha u ken kwe u Yuda, Mise u Davidi la, A hemba; nahan Una bugh ruamabera ne kua akav a na a ataankarahar la kpaa.