Numeri 23:19 - ICIGHAN BIBILO

¹⁹ Aôndo ka or man Una er aie ga; shi ka wan u or man Una vaa afanyô kpaa ga; Una kaa kwagh yô, Una kera er sha mi gaa? Man Una ôr kwagh yô, Una kera kure sha mi vough gaa?

Numeri 23:19 Iomraidhean Croise

Genese 26:3

Lu shir ken tar ne, Mo kpaa Me lu a we, Me ver u doo doo; gadia ka we kua tsombor wou Me na ne ityar ne cii ye, Me taver mbum Wam, u M bum a teru Aberaham la;

Genese 28:15

Nenge, M ngu a we, Me kuran we henpe ú za cii, Me shi Me hide a we ken tar ne kpaa; gadia Me undu u ga, saa Me kure kwagh u M kaa u ne ve.

1 Utor 14:11

Or u Yerobiam u nana kpe ken gar yô, iwa ia ya nan; u nana kpe ken ikôngo yô, inyon i sha ia ya nan, gadia TER kaa nahan.

2 Utor 15:12

Ka imo i TER lu ôr Yehu je la, er: Ônov ou vea tema sha ikônough ki torough ki Iserael zan zan ikov inyiin. Lu di nahan je.

2 Utor 7:2

Kpa orhemen, u tor suur sha uwegh nagh la, gema kaa a or u Aôndo er: Nenge, shin TER Una bugh a-an Sha je yô, kwagh ne una er nahana? A kaa er: Ú nenge sha ashe ou je, kpa ú ya ga.

1 Kroniku 17:17

Kwagh ne kpaa ka kwagh u kiriki sha ashe Ou tsô, Aôndo; U shi U ter kwagh u ya u wanakiriki Wou, sha ayange a ken hemen ca je, man shi U nenge a kwagh wam ken hemen er ka nongo u ior nahan, TERE, Aôndo.

Upasalmi 110:4

TER bum Una kera vaa afanyô ga: We U ngu pristi u tsôron gbem sha won sha inja i mlu u tom u Melkisedeki la.

Upasalmi 132:11

TER bum a Davidi sha mimi, Una gema kposo ga er: Me ver wan wou iyol you je Mer, a̱ tema sha ikônough you ki torough.

Upasalmi 77:9

Shin hungul Aôndo u zungwen mhôônom ase? Sha iyugh Na la, A cir mhôônom Nam ma kôrono? Sela.

Upasalmi 89:34

Me bunde ikuryan Yam ga, kwagh u a dughum ken zwa kpaa una gema kposo ga.

Upasalmi 89:35

M bum a bum mtsegh Wam je, Me er Davidi aie ga;

Yesaia 21:17

iyenge i mbaavaanev man mbaageev mba Mbakedar mba ve shi her la, ia hingir hicu; gadia TER, Aôndo u Iserael, kaa nahan.

Yesaia 31:2

Nahan kpaa Wen kpaa ka u fan kwagh je, Una va a kwaghvihin, Una hide a kwaghôron Na ijime ga; Una mough num a ya u mbaerenafer kua a iwasen i mba ve eren iferkwagh la kpaa.

Yesaia 40:8

Toho ka u uma, imondon a use, kpa kwaghôron u TER wase yô, una lu her gbem sha won.

Yesaia 46:11

M yila inyon i tswam sha ityoughkitaregh, or u sha awashima Wam ken tar u caa; M ôr kwagh, Me kure un sha mi vough kpaa; M vande veren ishima sha kwagh, shi Me er un kpaa.

Yesaia 55:11

kape kwaghôron Wam, u a dugh ken zwa Wam, una lu la, una hide her a Mo gbilin ga, kpa una er kwagh u M we ishima yô, ikôr ia lagh un sha kwagh u M tindi un u eren yô.

Yeremia 4:28

Ka sha ci u kwagh ne, tar ua zungwe, Sha kpaa una hingir il, gadia M ôr kwagh ne man M ver ishima sha mi, Me kera vaa afanyô ga, Me gema ishima Yam sha mi kpaa ga.

Daniel 4:28

A kaa ne cii er tor Nebukadinesar.

Hosea 11:9

Me kera er sha mvihi u iyugh Yam ga, Me kera tim Eferaim ga, gadia Mo M ngu Aôndo je, M ngu or ga, Icighan her atô wou, Me kera va sha iyugh ga.

Mika 7:20

Ú tese Yakob mimi man Aberaham di erdoo, u U vande bumun a uter asev hii sha ayange a tsuaa la je yô.

Habaku 2:3

Gadia mpase u sha mnenge ne ngu keghen shighe na, ngu zan fefa sha u kuren, una er aie ga; shin er una ngôôr kpaa, kegh un, gadia una va kpee, una bunde ga.

Malaki 3:6

Gadia Mo TER M gem kposo ga, ka nahan man ne ônov mba Yakob kpaa, i tim ne ga ye.

Numeri 14:35

Mo TER M kaa nahan, kape Me er a ior mba bov mban ne cii, mba ve kohol ve hendan a Mo ne, vea tim ken desereti ne je, ka keregh vea kpe ye.

Numeri 23:18

Nahan a tôô injakwagh na a kaa er: Mough! Tile sha, Balaki, ungwa; kegh ato her a mo, we wan u Shipor;

Luka 21:33

Sha man tar vea kar kera, kpa akaaôron Am aa kar kera mayange ga.

Mbaromanu 11:29

Gadia uiwua mba sha mrumun u sha mhôôn man shi myer u Aôndo la afanyô a vaan nga sha mi je ga.

Mbaromanu 9:6

Kpa unguer kwaghôron u Aôndo hingir gbilinkwagh ga, gadia mba ve lu ken Iserael la ka ve cii ve lu Iserael ga.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:13

Aluer se kera lu jighjigh ga yô, Un yô ngu jighjigh her. Gadia u Una nyiman mlu Na iyol Na yô, Una fatyô ga.

Titu 1:2

ka sha ishimaveren keghen uma u tsôron, u Aôndo u A eren aie ga la, A tôndo zwa je er shighe lu a lu ga la.

Mbaheberu 6:18

sha u sha akaa ahar a a lu a geman ga, a Aôndo kpaa Una fatyô u eren aie sha mi ga ne, se mba se yevese ser, sé za war her a Na la, se̱ hemba lun a ishima i taver, sha u kôron ave sha ishimaverenkeghen i i lu se ken hemen la.

Mbaheberu 7:21

kpa Un yô, lu sha mbum u Wen u A kaa a Na er: Ter bum, man Una kera vaa afanyô ga, We, U ngu pristi gbem sha won.

Yakobu 1:17

Hanma nagh ku dedoo man hanma iwua i vough kpaa ka Sha hen Ter u iwanger ve dugh, ve senen ye. Un yô, ma mgem ngu ken a Na ga, shin mure u mgem tsô kpaa ga.

Yakobu 4:5

Shin ne mba henen ner, ka gbilin tsô icighanruamabera a kaa er: A penda ishima sha jijingi u A na er a̱ tema ken vese la je zan zan iwuhe i gban kpaa yee?

Yosua 21:45

Ma kwagh u dedoo môm u Aôndo ôr ya u Iserael cii bunde ga, akaa cii kure sha mi vough.

1 Samuel 15:29

Man shi Agee a Iserael kpaa er aie ga, Una vaa afanyô kpaa ga; gadia Un ka or man Una vaa afanyô ga.

1 Samuel 3:12

Sha ayange la, Me kure kwagh a Eli u M er sha kwagh u ya na la cii, á hii sha mhii je zan zan mkur.