Numeri 23:13 - ICIGHAN BIBILO

¹³ Balaki kaa a na er: Shi va, sé yem ijiir igen, pe shi ú za nenge a ve yô; ka kpeafogh ve tseegh ú nenge a mi ye, ú nenge a ve cii ga; za wam ve ifan her.

Numeri 23:13 Iomraidhean Croise

1 Utor 20:23

Tsô mbayev mba tor u Shiria la, ve kaa a na er: Aôndo ve ka Aôndo u sha agungu, ka nahan man ve hembe se agee ye; sé nôngo nen ityav a ve shin pev u kpuun kpuun, nahan sé hemba ve agee kpee.

1 Utor 20:28

Tsô or u Aôndo kporom, ôr kwagh a tor u Iserael, kaa er: TER ngu kaan nahan er: Er Mbashiria ve kaan er: TER ka Aôndo u sha agungu, ka Aôndo u shin pev u kpuun kpuun ga yô, nahan Me na ikpilaior ne cii sha ikev you, man né fa er Mo M lu TER ye.

Upasalmi 109:17

Een, ityuhwanev kpaa doo un, nahan mbi̱ gema mbi̱ hile sha a na; iveren doo un ga, nahan shi i̱ gba di ca a na je.

Mika 6:5

Ne ior Av, umbur nen ase kwagh u Balaki tor u Moabi ngise hen la, man kwagh u Balaam wan u Beor gema kaa a na la; shi kwagh u a er hii hen Shitim zan zan ar hen Gilgal la, sha u ne̱ fa aeren a perapera a TER yô.

Numeri 22:41

Tsô sev mbu aven yô, Balaki mough vea Balaam za a na sha ajiir a taven sha a Baal, pe a fatyô u nengen a kpeafogh u ior la yô.

Numeri 22:6

Yô, ma u shi ve, ma u va wem ior mban ifan, gadia ve hembam agee; alaghga me zua a agee a me hemba ve, me zenda ve ken tar ne kera yô; gadia m fa, or u u ver nan doo doo yô, nana lu a iveren je, man u u we nan ifan kpaa, ifan ia kôr di nan je.

Numeri 23:12

A kaa a na er: Kera ka u me ver ishima me ôr kwagh u TER A ne ken zwa wam la tseegh gaa?

Numeri 23:14

Tsô a za a na ken ikôngough ki Sofim, sha ityough ki Pisega, a ta atse ataankarahar, a na nagh sha nombua man nomiyôngo sha atse la ser ser.

Yosua 24:9

Tsô Balaki wan u Shipor, tor u Moabi, mough, nongo ityav a Iserael; a tindi i yila Balaam wan u Beor, er a̱ va wa ne ifan.