Numeri 23:10 - ICIGHAN BIBILO

¹⁰ Ka an nana fatyô u ôron iyenge i vuulevu u Yakob, shin iyenge i umôm-ken-unyiin u Iseraela? Ma m kpe ku u orperapera, mkur wam ma a lu er u na nahan!

Numeri 23:10 Iomraidhean Croise

Genese 13:16

Man shi Me gema tsombor wou ua hingir er vuulevu u hen inya nahan; aluer or nana fatyô u ôron vuulevu u hen inya yô, ka ape tsombor wou kpaa á ôr u la.

Genese 22:17

Me ver u doo doo, Me seer tsombor wou iyenge er asan a Sha man er waarawa u shin kpezegemnger nahan; tsombor wou ua ngohol hundagar u mbaihomov mba u, ua hingir u ve;

Genese 28:14

Tsombor wou ua hingir er vuulevu u hen inya yô, ú samber je ú za ar ityôtar man ityoughkitaregh man imbusutarimese man imbusutariyan; ka ken a we kua ken tsombor wou je man akuraior a sha won cii aa zua a iveren ye.

Upasalmi 116:15

Sha ishigh ki TER yô, ku u uicighan Nav ka kwagh u injaa kpishi.

Upasalmi 37:37

Ver ishima sha or u vough, shi nenge sha or u mimi kpaa, gadia injar ngi sha ci u or u bem;

Anzaakaa 14:32

Iferor ka nan gba sha ifer i nan, kpa orperapera yô, ka nan lu a mwar ken ku u nan je kpaa.

Numeri 2:16

Mba hen afo a Ruben cii, mba i ôr iyenge ve yô, lu ior dubu deri môm man dubu akunduahargber kar môm man deri unyiin man akunduahargber, sha akum a ve. Ka ve vea dondo ye.

Numeri 2:24

Mba hen afo a Eferaim cii, mba i ôr iyenge ve yô, lu ior dubu deri kar anigheni man deri môm, sha akum a ve. Ve, ka nongo u sha utar sha mmough ve.

Numeri 2:31

Mba hen afo a Dan cii, mba i ôr iyenge ve lu ior dubu deri kar akunduahargber kar utaankaruhar man deri ataratar. Ka ve ve lu mba masen moughon sha tuta ve ye.

Numeri 2:9

Mba hen afo a Yuda cii, mba i ôr iyenge ve yô, lu ior dubu deri man akunduanyiin kar ataratar man deri unyiin, sha akum a ve. Ka ve vea hiin moughon ye.

Numeri 31:8

Ve wua utor mba Midian a mba ve wua la imôngo, ka Evi man Rekem man Sur man Hur kua Reba, utor mba Midian utaan; shi ve wua Balaam wan u Beor la kpaa, sha sanker.

2 Mbakorinte 5:1

Se fa tenti u shin tar ne u se tse ker ne, aluer á sough un kera kpaa, se mba a iyou i Aôndo, ka ya u tsôron u Sha u i maa un sha ave ga yô.

Mpase U Yohane 14:13

Shi m ungwa imo due Sha, kaa er: Nger wer: Hii hegen je zan zan mbakpenev mba ve kpe ken Ter yô, á saan ve iyol. Jijingi kaa er: Kape i lu je la, ka sha u vea mem ityom ve gadia aeren a ve nga zan a ve ityô.