Numeri 22:6 - ICIGHAN BIBILO

⁶ Yô, ma u shi ve, ma u va wem ior mban ifan, gadia ve hembam agee; alaghga me zua a agee a me hemba ve, me zenda ve ken tar ne kera yô; gadia m fa, or u u ver nan doo doo yô, nana lu a iveren je, man u u we nan ifan kpaa, ifan ia kôr di nan je.

Numeri 22:6 Iomraidhean Croise

Genese 12:3

Mba vea ver u doo doo yô, Mo kpaa Me ver ve doo doo; or u nana wa u ifan la, Mo kpaa Me wa nan ifan; ka ken a we je akuraior a sha won cii aa zua a iveren ye.

Genese 27:29

Ior ve̱ shiren we tom, akuraior kpaa, a̱ gure u inya. Lu ityough sha anmgbianev ou, ônov mba ngôu, ve̱ gure u inya. Hanma or u nana wa u ifan yô, ifan i̱ kôr nan; hanma or u nana ver u doo doo yô nana̱ lu a iveren.

1 Utor 22:13

Ortyom u a za u za yilan Mikaia la, kaa a na er: Nenge, uprofeti cii mba haan zwa môm, mba pasen kwagh u doon tor; yô, kwaghôron wou a̱ lu er kwaghôron u mô ve nahan, za ôr kwagh u dedoo.

1 Utor 22:6

Tsô tor u Iserael kohol uprofeti, ve lu er deri unyiin nahan, a pine ve er: M̱ za, m̱ za nôngo ityav a Ramoti-gileadi, shin m̱ de ze ga? Ve kaa er: Gba zan tsô, gadia TER Una na un sha ikev i tor.

1 Utor 22:8

Tor u Iserael kaa a Yehoshafati er: Or shi môm u sé pine nan imo i TER, ka Mikaia wan u Imla; kpa m kôr un ihom, gadia er ma kwaghôron u profeti u dedoo sha a mo ga, saa kwaghbo tseegh. Kpa Yehoshafati kaa er: Tor a̱ de kaan nahan ga.

Nehemia 13:2

gadia ve kegh Mbaiserael gbenda a kwaghyan man mngerem ga, ve gema ve ôr tôndo a Balaam er a̱ wa ve ifan; kpa Aôndo wase gema ifan la hingir iveren.

Upasalmi 109:28

Ve yô, ve̱ gbaa tuhwan tsô, kpa We yô, naan iveren heregh. Ve̱ mough, ve̱ ya kunya, kpa wanakiriki Wou yô, a̱ ember.

Anzaakaa 26:2

Er atsator a zenden daa daa man er gbargbar di a purugh sha nahan, kape ifan i lun a ityôikaa ga, i ker ga la.

Esekiel 13:6

Ve nenge kwagh u icughugh man mtsengepasen u aiegh, ve mba ve kaan er: TER ngu kaan nahan, kpa TER tindi ve ga; nahan kpaa ve ver ishima er kwaghôron la una kure sha mi.

Mika 6:5

Ne ior Av, umbur nen ase kwagh u Balaki tor u Moabi ngise hen la, man kwagh u Balaam wan u Beor gema kaa a na la; shi kwagh u a er hii hen Shitim zan zan ar hen Gilgal la, sha u ne̱ fa aeren a perapera a TER yô.

Numeri 22:12

Aôndo kaa a Balaam er: De ze a ve imôngo ga; man de we ior mbala ifan kpaa ga, gadia ka mba lun a iveren je.

Numeri 22:17

gadia me na u icivir kpishi, hanma kwagh u u kaam cii me er; yô, shi va, va wam ase ior mban ifan.

Numeri 23:13

Balaki kaa a na er: Shi va, sé yem ijiir igen, pe shi ú za nenge a ve yô; ka kpeafogh ve tseegh ú nenge a mi ye, ú nenge a ve cii ga; za wam ve ifan her.

Numeri 23:27

Balaki kaa a Balaam er: Va, m̱ za a we hen ijiir igen; alaghga á za lu Aôndo pe ú wam ve ifan her.

Numeri 24:9

A gure a yav inya er begha nahan, man er ngôbegha nahan; ka an je nana num unu? Hanma or u nan ver u doo doo yô, á ver nan doo doo. Hanma or u nan we u ifan yô, á wa nan di ifan je.

Aerenakaa A Mbaapostoli 16:16

Er se lu zan hen ijiir i msen la yô, wankwase ugen va kohol se, lu a jijingi u tsengan fan akaa, lu nan uter nav mtsera kpishi sha ishor na la.

Duteronomi 23:4

sha ci u ve za kegh ne gbenda a kwaghyan man mngerem, zum u ne due ken Igipiti la ga yô, man shi sha ci u ve goho Balaam, wan u Beor, hen Petor u ken Mesopotamia, sha u a̱ va wa u ifan yô.

Yosua 24:9

Tsô Balaki wan u Shipor, tor u Moabi, mough, nongo ityav a Iserael; a tindi i yila Balaam wan u Beor, er a̱ va wa ne ifan.

1 Samuel 17:43

Nahan Orfiliti la kaa a Davidi er: Mo m ngu waniwa, shin u ve hen a mo a mbaagaa? Shi Orfiliti la wa Davidi ifan sha iti i mbaaôndo nav.