Numeri 22:20 - ICIGHAN BIBILO

²⁰ Nahan Aôndo va hen Balaam tugh, va kaa a na er: Aluer ior mbala va u va yilan we yô, mough, yem a ve imôngo; kpa ka kwagh u Me kaa la tseegh, za er ye.

Numeri 22:20 Iomraidhean Croise

Upasalmi 81:12

Ka nahan man M gbihi ve sha ihembeato i sha asema ve la, Mer, ve̱ er sha mbamhen vev ayol a ve ye.

Yesaia 37:29

Er u hundu sha a Mo, man imanger you i u manger la, i va nyerem ker ato yô, nahan Me wa tsuwe Wam ken ihinga you, kua lijam Wam kpaa ken zwa wou, Me hide a we sha gbenda u u ve mi la.

Yeremia 1:7

Kpa TER kaa a mo er: De kaan wer: M ngu wanye, ga; gadia hanmô u Me tindi u her a nan yô, ka hen nan ú za ye, man hanma kwagh u Me kaa u yô, ka wen ú ôr ye.

Hosea 13:11

M na u tor sha ishima i vihin, man shi M kar a na kera sha iyugh Yam.

Numeri 22:19

Nahan yô, ne kpaa, shi tsa nen heen nyian, sha er me fa kwagh u TER Una shi á ôrom yô.

Numeri 22:35

Ortyom u TER la kaa a Balaam er: Yem a ior mban; kpa ka kwagh u Me kaa u la tseegh, za er ye; tsô Balaam yem a atiator a Balaki la imôngo.

Numeri 23:12

A kaa a na er: Kera ka u me ver ishima me ôr kwagh u TER A ne ken zwa wam la tseegh gaa?

Numeri 23:16

Tsô TER va kohol Balaam, na un kwaghôron ken zwa. A kaa er: Hide hen Balaki, ka kwagh ne za ôr un ye.

Numeri 23:26

Kpa Balaam gema kaa a Balaki er: M kaa u mer: Kwagh u TER A kaa la, ka un me er kpee ye gaa?

Numeri 23:5

Tsô TER na kwaghôron ken zwa u Balaam, A kaa er: Hide hen Balaki, ka kwagh ne za ôr un ye.

Numeri 24:13

Shin Balaki una nam ya na a azurfa man zenaria ker poo kpaa, me fatyô u karen imo i TER, eren ma kwagh sha ishima yam ga, shin a lu u doon shin a lu u bo kpaa; kwagh u TER A kaa la, ka un me kaa ye gaa?

Numeri 24:4

mpase u or u ungwan akaaôron a Aôndo, u a nengen mpase u Uhembanagee, u a gbe inya, ashe a na a lu ivegher la.