Numeri 22:11 - ICIGHAN BIBILO

¹¹ Nenge, ior mba ve dugh ken Igipiti la, ve va cir tar cii; yô, va ahegen, va wam ve ifan; alaghga me lu a agee a me nôngo ityav a ve, me zenda ve yô.

Numeri 22:11 Iomraidhean Croise

Genese 27:29

Ior ve̱ shiren we tom, akuraior kpaa, a̱ gure u inya. Lu ityough sha anmgbianev ou, ônov mba ngôu, ve̱ gure u inya. Hanma or u nana wa u ifan yô, ifan i̱ kôr nan; hanma or u nana ver u doo doo yô nana̱ lu a iveren.

Numeri 22:10

Balaam gema kaa a Aôndo er: Balaki wan u Shipor, tor u Moabi tindim a loho er:

Numeri 22:12

Aôndo kaa a Balaam er: De ze a ve imôngo ga; man de we ior mbala ifan kpaa ga, gadia ka mba lun a iveren je.

Numeri 23:11

Tsô Balaki kaa a Balaam er: Ka nyi u er a mo nahana? M za va a we mer va wam mbaihomov av ifan, man nenge ase, u gema u ver ve a ver doo doo.

Numeri 23:7

Tsô a tôô injakwagh na, a kaa er: Ka hen Aram je Balaki a za koo a mo ye, ka tor u Moabi je, ka sha iwo i sha ityoughkitaregh la: Va, va wam Yakob ifan, va, yuwe a Iserael,

Numeri 24:10

Tsô ishima vihi Balaki a Balaam, a gbire ave; Balaki kpaa kaa a Balaam er: M yila u mer, va wam mbaihomov av ifan, man nenge u gem u veren ve a ver doo doo, ka acin atar je ne.

Yosua 24:10

Kpa M rumun M ver ato hen Balaam ga; nahan a gema a ver ne doo doo; M yima ne sha ikev na.

1 Samuel 17:43

Nahan Orfiliti la kaa a Davidi er: Mo m ngu waniwa, shin u ve hen a mo a mbaagaa? Shi Orfiliti la wa Davidi ifan sha iti i mbaaôndo nav.