Numeri 21:7 - ICIGHAN BIBILO

⁷ Nahan ior va hen Mose, ve kaa er: Se er isholibo er se hingir ayôôso a TER man a we kpaa yô; sôn TER A̱ kura iyô ne hen a vese kera. Tsô Mose gba sônon sha ci u ior.

Numeri 21:7 Iomraidhean Croise

Genese 20:17

Tsô Aberaham sôn Aôndo, Aôndo war Abimeleki vea kwase na kua ikpan na i ukase, nahan ve gba maren.

Genese 20:7

Hegen yô, hire ase or la a kwase na, gadia ka profeti je; una er msen sha ci wou, ú lu uma; man aluer wea hide a na ga yô, fa, ka ku ú kpe ye, we kua ior ou cii.

1 Utor 13:6

Tsô tor gba ôron kwagh, kaa a or u Aôndo la er: Yô, sôn ase TER, Aôndo wou, A̱ zungwem mhôônom, er msen sha ci wam er m̱ shi m̱ hide a uwegh agh her yô. Tsô or u Aôndo la zamber a TER, uwegh ku tor kpaa hide her er ku lu keke nahan.

2 Utor 13:4

Kpa Yehoahashi zamber a TER, nahan TER ungwa imo na, gadia A nenge ican i Iserael i tor u Shiria lu eren ve yô.

Yobu 42:10

Nahan TER dugh Yobu ken ican na kera, zum u a er msen sha ci u akar a na la; TER shi na Yobu akaa kuma er a tsuaa la nahan kwa har.

Yobu 42:8

Yô, hegen, kôr nen anomabua ataankarahar man anomaiyôngo ataankarahar, za nen hen wanakiriki Wam Yobu, za na nen nagh ku nanden sha ci wen; wanakiriki Wam Yobu a̱ er msen sha ci wen; gadia Me rumun un, nahan Me kera or ne iyev sha lanegh enegh ga; gadia ne terem sha kwagh u mimi er wanakiriki Wam Yobu a er nahan ga.

Upasalmi 106:23

Ka nahan man A kaa er, Una tim ve kera ye; ka Mose, icuwanor Na la, va tile Un sha ishi a zamber, sha u goom a iyugh Na kera, sha er A̱ de timin ve ga ye.

Upasalmi 78:34

Er A wua ve yô, zum la ve pine Un, ve gema ishima ve ker Aôndo.

Ekesodu 10:17

Nahan yô, ma ne mase den mo kwaghbo wam kwa ne tsô, sôn nen TER, Aôndo wen, A̱ hirem a ku ne ijime tsô.

Ekesodu 32:11

Kpa Mose zamber a TER, Aôndo na, er: Ku TERE, ka nyi man iyugh You i mough a ior Ou ityô, mba U dugh a ve ken tar u Igipiti sha agee a vesen man uwegh ku ageegh nahana?

Ekesodu 32:30

Tsô kper nan sev mbu aven yô, Mose kaa a ior er: Ne er isholibo je; yô, ahegen me kôndo sha TER, alaghga me za na iwom sha ci u isholibo yen.

Ekesodu 8:28

Nahan Farao kaa er: M rumun, za nen, za na nen TER, Aôndo wen, nagh ken desereti; kpa ka ca tsô, de ze nen ga ye; sôn nen sha ci wam.

Ekesodu 8:4

Asôhô aa unde u iyol man ior ou kpaa kua mbatomov ou cii.

Ekesodu 8:8

Tsô Farao tindi i za yila Mose kua Aron, a kaa er: Sôn nen TER, A̱ kuram asôhô ne kera, kua hen ior av kpaa, tsô me de ior mban ve̱ yem, ve̱ za na TER nagh.

Yesaia 26:16

TERE, ken ican yô, ve ker U, shighe u mtsaha Wou lu sha a ve la, ve gba eren msen.

Yeremia 15:1

Nahan TER kaa a mo er: Shin Mose kua Samuel vea tile sha ishigh Yagh je kpaa, mayange Me kera ver ishima sha ior mban ga; zenda ve sha ishigh Yagh kera, ve̱ yem kera.

Yeremia 37:3

Tsô tor Sedekia tindi Yehukal wan u Shelemia, man pristi Sefania, wan u Maaseya, hen profeti Yeremia, a kaa er: Shi sôn TER, Aôndo wase, sha ci wase.

Hosea 5:15

Me shi Me hide hen ijiir Yam, zan zan vea rumun ibo ve, vea ker ishigh Yagh; ken ican ve la vea kerem sha gbashima.

Numeri 11:2

Nahan ior vaa a Mose; Mose gema sôn TER, usu maa pir.

Mateu 27:4

a kaa er: M er isholibo sha er m nenge mker sha awambe a or u ishôôgh yô. Kpa ve kaa er: Kwagh wase ngu sha mi hana? Mase shin kwagh wou tsô.

Aerenakaa A Mbaapostoli 8:24

Tsô Shimon gema kaa er: Er nen msen sha ci wam sôn nen Ter sha u akaa a ne ter ne, ma kwagh môm keregh a̱ de eren mo ga yô.

Mbaromanu 10:1

Anmgbianev av, isharen i ken ishima yam man msen wam u m sen Aôndo sha ci ve la, ka sha u ma i yem ve.

Duteronomi 9:20

Aron kpaa ishima vihi TER a na tsung je er Una tim un yô, m er msen sha ci u Aron hen shighe la kpaa.

Yakobu 5:16

Pase nen akaabo a en ayol a en, shi er nen msen sha ci u ayol a en sha u angev mbu̱ bee ne yô. Msen u eren tsung u orperapera ngu a agee kpishi je.

1 Samuel 15:24

Tsô Saulu kaa a Samuel er: M er kwaghbo; gadia m wa imo i TER kua akaaôron a ou iko ga, sha ci u m cie ior, m er sha imo ve yô.

1 Samuel 15:30

Tsô a kaa er: M er kwaghbo; nahan kpaa shi civir mo sha ishigh ki mbatamen mba ior av kua sha ishigh ki Iserael kpaa, gema hide a mo sha er me za sôn TER, Aôndo wou, yô.