Numeri 21:6 - ICIGHAN BIBILO

⁶ Tsô TER haa iyô i bo hen atô u ior, i nyuma ior; Mbaiserael kpishi pande kpe.

Numeri 21:6 Iomraidhean Croise

Yesaia 14:29

We, Filisetia man ne mba keregh cii, de ember nen er gbough ku i gbidye u a mi la ku sombo kera ga, gadia ken mise u iyô yô, igbinde ia due, tsombor na kpaa ua lu iyô i usu i purugh.

Yesaia 30:6

Mkaanem ma Aôndo sha ishôso i ken tar u Imbusutariyan la. Mba karen ken tar u ican man u nyian ishima, henpe ngôbegha man nombegha man igbinde man iyôusu i purugh ve dugh la; ve tôô inyarev sha ajime a agumajaki, man akaa a ve a injaa kpaa sha agundu a urakumi, ve yem hen ior igen i i lu ve a ma inja ga yô.

Yeremia 8:17

Gadia nenge, Me tindi iyô i vihin kwagh ken a ven, i i we iko sha imo i mbanumben a i ga yô, ia nyuma ne, kape TER A kaa ne.

Esekiel 14:15

Aluer Me na inyamikume ia zende ken tar la, man ia wua ior ken, u zan zan ua hingir ice, man ma or nana fatyô u karen ken u ga sha ci u inyamikume la yô,

1 Mbakorinte 10:9

Se kera kar nen Ter er mbagenev ken ve lu ve eren man ve gba iyô nahan ga.

Duteronomi 8:15

Un u A kar a we ken zegedeserti u cieryol la, henpe iyô i usu lu man ayese man tar u tseghe tseghe, henpe mngerem lu ga, u A due u a mngerem ken vande u taver la,