Numeri 21:5 - ICIGHAN BIBILO

⁵ Nahan ior hingir ayôôso a Aôndo man Mose, ve kaa er: Ka nyi ne dugh a vese ken Igipiti ner, sé va ken desereti nahan? Gadia kwaghyan kpaa ngu ga, mngerem kpaa ma ga; kwaghyan u injaa ga ne, due se ishima.

Numeri 21:5 Iomraidhean Croise

Upasalmi 68:6

Aôndo ka A gema or u mtswen, nan hingir u lun a ior ken ya; ka A dugh mbakwarev, A na ve mkpeyol; kpa mbahembanato yô, ve tema ken tar u iombor.

Upasalmi 78:19

Een, ve ôr kwagh a Aôndo sha mhendan, ve kaa er: Aôndo Una fatyô u yôron se iwer ken desereti kpa?

Ekesodu 14:11

Ve pine Mose er: Ka iwar i ban ken Igipiti ve u kor se wer se̱ va kpe ken toho yee? Ka nyi u er a vese nahan, u due a vese ken Igipiti?

Ekesodu 15:24

Tsô ior gba zan Mose ivever iyol, ve kaa er: Sé ma nyi?

Ekesodu 16:15

Zum u Mbaiserael nenge a mi yô, ve gba pinen ayol a ve er: Ka nyi ne? Gadia ve fa kwagh shon ga. Tsô Mose kaa a ve er: Ka kwaghyan u TER A ne ne, er né ya je ne.

Ekesodu 16:31

Ya u Iserael yila iti na er: Mana; lu pupuu er asange a koliande nahan, lu ken zwa er mumuyough nahan.

Anzaakaa 27:7

Or u nan idi yô, zaryoughough je kpaa ka u ndôhôr nan ishima, kpa or u ijen i ker nan yô, hanma kwagh u yuan kpaa ka nan kwagh u nyohon.

Esekiel 20:21

Nahan kpaa ônov mbala hendan a Mo, ve zende sha akaawan a Am ga, man ve wa akaaôron a Am a jirigh iko sha u vea er sha mi kpaa ga, a or nana er sha mi, man nana lu uma yô; ve hôngor a ayange a memen a Am; nahan M kaa Mer, Me haa iyugh Yam sha a ve, sha u kuren ishimavihin Yam jimin cii sha a ve ken desereti.

Numeri 11:20

kpa á lu uwer jimin zan zan ia due ne ishima, ia ndôhôr ne ishima kpaa, sha ci u ne vende TER u A lu hen atô wen, ne vaa sha ishigh Nagh ne kaa ner: Ka nyi yan se due ken Igipiti nahana?

Numeri 16:41

Tsô sev mbu av yô, ior i Mbaiserael cii mough ayôôso sha Mose kua Aron, ve gba kaan er: Ka ne je ne woo ior mba TER ye.

Numeri 17:12

Tsô Mbaiserael ôr kwagh a Mose kaa er: Nenge, se mba kpen, se mba timin, se cii se mba timin.

1 Mbakorinte 10:9

Se kera kar nen Ter er mbagenev ken ve lu ve eren man ve gba iyô nahan ga.