Numeri 21:29 - ICIGHAN BIBILO

²⁹ Kwagh á tser u, Moabi! Ne saa ve, ne ior i Kemoshi; a er ônov nav mba nomso hingir mba yevese, ônov nav mba kasev ve hingir mbakwarev mba Shihon tor u Mbaamor.

Numeri 21:29 Iomraidhean Croise

1 Utor 11:33

sha ci u ve undum ve gur ve civir Ashetaroti, Mgbianaôndo u Mbashidon man Kemoshi aôndo u Moabi man Milkom aôndo u Mbaamon yô; ve zenden sha igbenda Yam ga, ve er kwagh u lu vough sha ashe Am kpaa ga, man ve wa iko sha akaawan a Am man ajiraôron a Am er ter na Davidi er nahan ga.

1 Utor 11:7

Solomon maa ijiir i taven sha i civir Kemoshi kwaghhôngorough u Moabi, kua Moleki kwaghhôngorough u Mbaamon kpaa, sha uwo u u lu sha ishigh ki Yerusalem la.

2 Utor 23:13

Tor shi hôngor ajiir a taven sha a a lu sha ishigh ki Yerusalem, a a lu uwo u hôngorough vegher u ken uwegh ku yanegh la, a Solomon tor u Iserael maa a sha ci u Ashetaroti, kwaghhôngorough u Mbashidon la, man sha ci u Kemoshi, kwaghhôngorough u Moabi kua sha ci u Milkom, kwaghhôngorough u Mbaamon la kpaa.

Yesaia 15:5

Ishima yam ngi vaan sha ci u Moabi; ior nav mba yevese, ve za ar hen Soar, hen Egelati-shelishiya, gadia gbenda u kôndo sha Luhiti la, mba kôndon u a mliam zwa je; man sha gbenda u zan sha Horonaim la kpaa mba geren mliam gbidyen vaa.

Yesaia 16:2

Er inyon i i purugh wue wue, man shi er iya i i sough i nahan, kape ônkasev mba Moabi ve lu hen ahongo a Arnon la.

Yeremia 48:13

Moabi una va ahenge sha ci u Kemoshi, er ya u Iserael lu va ahenge sha ci u Betel, u ve suur sha mi la nahan.

Yeremia 48:45

Mba ve yevese la ve tile shin mure u Heshebon a agee iyol shio; gadia usu due ken Hesebon, man nomborusu kpaa ken atô u Shihon, u hia a-ase a Moabi man ihaghtyo i mbaerenayôôso.

Yeremia 48:46

Kwagh á tser u, we Moabi! Ior mba Kemoshi saa ishe, gadia i yem a ônov ou mba nomso uikangen man ônov ou mba kasev kpaa hingir uikangen.

Yeremia 48:7

Gadia, er u suur sha ityom you kua sha inyaregh you, nahan we kpaa á hemba u; Kemoshi una za ken uikangen, a upristi nav man atiator a na imôngo.

Numeri 24:17

M nenge a na, kpa ka hegen ga; m ta ashe m nenge a na, kpa ka ikua ga; ishan ia due ken Yakob, tôgh ku torough kua lu hen Iserael, una hembe a-ase a Moabi, una zôhô ônov mba Setu.

Mbaajiriv 11:24

We ú ngohol kwagh u Kemoshi, aôndo wou a ne u er u̱ ngohol la gaa? Se di sé ya kwagh u TER, Aôndo wase, A ngohol hen ior mbagenev, A ne se yô.