Numeri 21:2 - ICIGHAN BIBILO

² Nahan Iserael tsegha zwa a TER, kaa er: Aluer Ú na ikurior ne sha ikev yam mimi yô, me tim agar a ve purututu.

Numeri 21:2 Iomraidhean Croise

Genese 28:20

Man shi Yakob tsegha zwa, kaa er: Aluer Aôndo Una lu a mo, Una kuram sha gbenda u m ze ne, Una nam kwaghyan sha u m̱ ya, man akondo sha u m̱ zer.

Upasalmi 116:18

Me kure uiceghzwa av a TER, sha ishigh ki ior Nav cii,

Upasalmi 132:2

er a bum a TER, man a tsegha zwa a Uageegh u Yakob yô, er:

1 Mbakorinte 16:22

Aluer Ter Una doo or ishima ga yô, ifan i̱ kôr nan. Maranata. (Ter ngu van.)

Duteronomi 13:15

tim mba ve tem ken gar la sha zwa u sanker, ú tim un purututu a akaa a a lu kimi cii, kua uzendenya mba ker kpaa, sha zwa u sanker.

Duteronomi 13:16

Kohol ishar i ker cii, haa hen atô u tembe na, nande gar la sha usu kua ishar na jimin cii, sha ci u TER, Aôndo wou, a̱ hingir tihialôgh gbem sha won, i̱ de kera shi maan un mayange ga.

Duteronomi 20:16

Kpa agar a akuraior angan a TER, Aôndo wou, Una na u a dyako yô, de deen kwagh u a lu a iôôn môm môm, a̱ lu uma ga,

Duteronomi 7:2

man zum u TER, Aôndo wou, Una gema a, Una na sha ikev you man wea hemba a yô, tim a purututu; de ye ikur a a ga, de zungu a mhôônom kpaa ga.

Yosua 6:17

Kpa gar ne yô, á tsegha un sha ci u TER, a akaa a lu kimi cii; saa Rahabi idyakwase ne tseegh, una lu uma ye, un kua mba ve lu a na ken ya cii, gadia un yer mbatyomov mba se tindi la.

Yosua 6:26

Tsô Yosua ta ve icin sha mbum hen shighe la, a kaa er: Or u nana mough, sha u maan gar u Yeriko ne yô, ifan ia kôr nan sha ishigh ki TER. Ka sha ku u waniunda u nan je nana tim imagh nagh ye, shi ka sha ku u wan u nan u masetyô nana wa ihinda na ye.

Mbaajiriv 11:30

Yefeta bum a TER, a kaa er: Aluer Wea na Mbaamon sha ikev yam mimi je yô,

1 Samuel 1:11

Nahan a tsegha zwa a kaa er: TER u akum a Sha, aluer Wea rumun, Wea nenge ican i kpan Wou u kwase, Wea umbur mo, kpan Wou u kwase á hungul We ga, Wea na kpan Wou u kwase wan u nomso yô, mo kpaa me na TER un sha ayange a á lu uma cii, atsem kpaa á kar un sha ityou ga.