Numeri 20:8 - ICIGHAN BIBILO

⁸ Tôô gbough, kohol ior we vea anngôu Aron; yô, ôr kwagh a vande sha ashe ve, tsô ua due a mngerem ma u; er, mngerem ma due ken vande la, na ior ve̱ ma kua uzendenya vev kpaa.

Numeri 20:8 Iomraidhean Croise

Genese 18:14

Ma kwagh u kpilighyol u hemban TER ngu jee? Me hide hen a we sha shighe u i ver la, hen shighe ne nahan, Sara una lu a wan ave.

Nehemia 9:15

U na ve kwaghyan u Sha kpaa, sha ci u ijen ve, man U due ve a mngerem ken vande sha ci u imura ve, U kaa a ve Wer, ve̱ nyôr, ve̱ ngohol tar u U kende uwegh Ough sha Wer, Ú na ve la.

Upasalmi 105:41

A bugh vande, tsô mngerem due, kuwa ken ajiir a ombor er ka ifi yô.

Upasalmi 114:8

u A gem vande u hingir bermnger yô, iwen i taver kpaa i hingir imbormnger yô.

Upasalmi 33:9

Gadia Wen yô, ngu A ôr kwagh, maa i lu nahan je, shi A kaa, maa i tile her dông.

Ekesodu 14:16

We gema gbough ough kende sha, naregh uwegh ough sha zegemnger pav un.

Ekesodu 17:9

Nahan Mose kaa a Yosua er: Sange ior sha ci wase, due za nôngo ityav a Amaleki; kper mo me tile sha ityough ki igungu a gbough ku Aôndo ken uwe.

Ekesodu 4:17

Kôr gbough kun sha uwe, ku ú za eren uivande a mi yô.

Ekesodu 4:2

Tsô TER kaa a na er: Ka nyi u lu a mi sha uwe laa? A kaa er: Ka gbough.

Ekesodu 4:20

Tsô Mose kua a kwase na man ônov nav, penda ve sha jaki hide ken tar u Igipiti; Mose lu a gbough ku Aôndo ken uwe.

Ekesodu 7:20

Mose vea Aron er er TER kaa nahan; a kende gbough, a gbidye mngerem ma shin ifi sha ashe a Farao kua mbatomov nav kpaa; mngerem ma shin ifi cii maa hingir awambe.

Yesaia 43:20

Inyamtoho ia civir Mo ugbaseela kua ukonkofi, sha ci u M ne mngerem ken desereti man uifi ken taaikôngo, sha u Me na ior Av mngerem ve̱ ma, ka uicuwan Av je la.

Yesaia 48:21

Imura kôr ve, zum u A hemen ve ken udeserti la, ga; A er mngerem due ken vande sha ci ve; A pav vande, tsô mngerem gba kuwan.

Numeri 20:11

Tsô Mose kende uwegh sha, gbidye vande sha gbough nagh kwa har mngerem due kpishi, ior ma kua uzendenya vev kpaa.

Numeri 20:7

Tsô TER ôr kwagh a Mose, kaa er:

Numeri 21:15

soughsough u upev, u a tingir a sen shin ijiir i teman i Ar, shi a za lian sha ikighir i Moabi la ye.

Numeri 21:18

ijôr i mbahemenev time, i akpamaior a dugh sha tô, man sha igbough vegh la. Ve hembe hen desereti ve yem Matana;

Mateu 21:21

Yesu gema kaa a ve er: Mimi je M kaan ne, aluer ne lu a jighjigh u nan man né ta akpelan ga yô, ka kwagh u a er tur ne nahan tseegh né er ga, kpa á lu uwo ne je kpaa, né kaa u ner: Mough, gba shin zegemnger kpaa á lu nahan je.

Luka 11:13

Aluer ne mba ne lu mbaaferev je kpaa ne fa u nan ônov enev uiwua mba dedoo yô, man hire Ter wen u A lu Sha Una kera na mba ve sen Un la Icighan Jijingi ga yee?

YOHANE 16:24

Zan zan hegen ne mba a sôn kwagh ken iti Yam ga. Sôn nen, né ngohol, sha u iember yen ia hôm yô.

Aerenakaa A Mbaapostoli 1:14

Mban cii zua ishima i môm sha msen u eren kua kasev mbagenev man Maria, ngô u Yesu man angôôv Nav kpaa.

Yosua 6:20

Tsô ior gbire ivaa, i tôngo ikor kpaa; zum u ior ungwa ikor la yô, ve gbire ivaa taver taver, gilgar yôhôl cii, haa inya; nahan ior nyôr ken gar, hanma or sha ishigh ki nan jighilii, ve ngohol gar la.

Yosua 6:5

Tsô zum u vea tôngo ikoriyôngo tuee yô, man zum u né ungwa imo a ikor i tôngon yô, ior cii ve̱ genger imo, ve̱ gbidye ivaa taver taver, tsô gilgar una yôhôl, ior cii ve̱ nyôr hanma or nana̱ nyôr sha ishigh ki nan jighilii.

Mpase U Yohane 22:1

Tsô a tesem ifi u mngerem ma umam, lu wang er krusetalu nahan, lu duen ken ikônough ki torough ki Aôndo man ki waniyôngo la.

Mpase U Yohane 22:17

Jijingi man kwasehe mba kaan er: Va! Or u nan lu ungwan kpaa nana̱ kaa er: Va! Or u imura i ker nan yô, nana̱ va. Or u i sar nan kpaa, nana̱ va, nana̱ va ngohol mngerem ma umam gbilin.