Numeri 19:13 - ICIGHAN BIBILO

¹³ Anti or u nana bende a ikom i or u nan kpe yô, man nan wanger iyol i nan ga yô, nan ngu hôngor tabernakel u TER; or la, i̱ dugh nan ken Iserael kera, sha ci u i lu a mishi nan mngerem ma wanger kwagh a mi la, iyol ga yô, nan kera ngu wang ga; mlu u wang ga u nan la ngu a nan her.

Numeri 19:13 Iomraidhean Croise

Ekesodu 30:33

Hanma or u nana nungwa magenem er ma nahan, shin hanma or u nan haa or u ken inya ma iyol yô, i̱ dugh nan ken nongo u nan kera.

Anzaakaa 14:32

Iferor ka nan gba sha ifer i nan, kpa orperapera yô, ka nan lu a mwar ken ku u nan je kpaa.

Esekiel 44:26

Ken masetyô u i wanger nan yô, i̱ ôr ayange ataankarahar sha ci u nan.

Levitiku 15:31

Kape wanger nen Mbaiserael sha er ve̱ de kpeen sha mlu ve u wang ga la ga, er ve gbe hôngor a tabernakel Wam u a lu ve her atô la yô.

Levitiku 20:3

Me kera saan ishigh a or la ga, Me kar a nan ken nongo u nan kera, sha ci u nan ne Moleki wan u nan, nan hôngor a icighanjiir Wam shi nan hee icighanti Wam kpaa yô.

Levitiku 22:3

Kaa a ve wer: Hanmô u ken ikov yen cii, u ken tsombor wen cii, u nana kporom hen uicighanmbaakaav mba Mbaiserael ve tsegh sha ci u TER, zum u nan lu wang ga la yô, i̱ dugh or la sha ishigh Yagh kera; ka Mo TER.

Levitiku 22:4

Hanma or u ken tsombor u Aron u nan lu orimande, shin u nan dugh ihyelegh iyol, nana̱ de ye uicighanmbaakaav ga, saa nana vande hingir wang ve. Man shi hanmô u nan bende a ma kwagh u a hôngor sha ikomor, shin or u ityujer i dugh nan kpaa,

Levitiku 5:17

Aluer anti or nana er isholibo, nana er ma kwagh u TER A yange er i̱ de eren ga la, abu yô, man nana ya ibo, nana hingir u lun a ibo iyol yô,

Levitiku 5:3

Shin aluer nana bende a kwagh u a lu wang ga, u or, a lu hanma kwagh u wang ga u or á fatyô u hingir wang ga a mi la, man nana fa ga yô, man nana va kav nahan yô, nan hingir u lun a ibo iyol ve.

Levitiku 5:6

nana̱ va na TER nagh sha ci u isholibo i nan er yô, mgbianile, tuleiyôngo shin tuleivo, i̱ lu nagh ku isholibo; pristi a̱ na iwom sha ci u nan sha ci u isholibo i nan er la.

Levitiku 7:20

kpa or u nan ye inyam i nagh ku sôngon ku nagh ku bem ku ku lu ku TER yô, er nan lu wang ga la yô, i̱ dugh or la ken nongo u nan kera.

Levitiku 7:21

Man shi aluer anti or nana bende a hanma kwagh u a lu wang ga, shin kwagh u a lu wang ga u or, shin swase u u lu wang ga, shin hanma kwagh u a lu wang ga a ndôhôr ishima kpaa yô, man nana gema á ya inyam i nagh ku sôngon ku nagh ku bem ku ku lu ku TER la yô, i̱ dugh or la ken nongo u nan kera.

Numeri 15:30

Kpa aluer hanma or nana er ma kwagh sha apera, shin a lu or u hen tar la jim shin a lu shiror kpaa, nan ngu lahan TER; or la i̱ dugh nan ken nongo u nan kera;

Numeri 19:14

Tindi u sha or u nan kpe ken tenti yô, ka un ne: Hanma or u nan nyer ken tenti la, man hanma or u nan lu ken tenti la kpaa, nana kera lu wang ga, ayange ataankarahar.

Numeri 19:18

or u nan lu wang yô, nana̱ tôô hisop nana̱ civ shin mnger, nana̱ mishi sha tenti man sha uika cii man sha ior mba ve lu heregh cii kua sha or u nan bende a kuhe, shin nan bende a or u i woo nan yô, shin nan bende a ikom, shin a lu uwar kpaa;

Numeri 19:19

or u wang la, nana̱ mishi u a lu wang ga la ma iyol, sha iyange i atar kua sha iyange i ataankarahar la kpaa; sha iyange i ataankarahar la, nana̱ wanger un; nahan una ôô akondo a na, shi una ôô iyol sha mnger kpaa, iyange ia been yô, una hingir wang.

Numeri 19:20

Kpa or u nan kera lu wang ga, man nana wanger iyol i nan ga yô, or la i̱ dugh nan ken ior kera, sha ci u nan hôngor icighanjiir u TER yô, i mishi nan mngerem ma wanger kwagh a mi la iyol ga; nan ngu wang ga her.

Numeri 19:9

Or u nan lu wang yô, nana̱ kura mtwem ma tulebua la, nana̱ ver ma ken akôngoafogh hen ijiir i wang; i̱ ver ma sha ci u ior i Mbaiserael sha ci u mngerem ma wanger kwagh a min; ka nagh ku isholibo je.

Numeri 8:7

Kwagh u ú er ve sha u wanger ve yô, ka un ne: Mishi ve mngerem ma ôôn isholibo; shi ve̱ zende atsem iyol cii, ve̱ ôô akondo a ve, ve̱ wanger ayol a ve.

Numeri 9:13

Kpa or u nan lu wang nan lu ken zende kpaa ga, man nan we iko u yan Paseka ga yô, i̱ dugh nan ken nongo u nan kera, gadia nan na TER nagh sha shighe u i ver la ga, or la nana tôô isholibo i nan.

YOHANE 8:24

Ka nahan man M kaa a ven Mer: Né kpe ken isholibo yen ye; gadia aluer ne na jighjigh ner, Mo M ngu Un ga yô, né kpe ken asorabo a en.

Mbaheberu 10:29

Ne mba nengen nana? Or u nan ndyar Wan u Aôndo shin angahar a nan shi nan nenge er awambe a ikuryan a i tsegh nan sha mi la ka kwagh u hôngorough man shi nan laha Jijingi u mhôôn la yô, mtsaha u nan una kpen vihin nan sha wonoo?

Mbaheberu 9:10

Akaa ne yô, lu di sha kwagh u akaayan tsô man akaaman man iyol i ôôn sha igbenda kposo kposo, ka atindi a sha iyol tsô a i we a zan zan shighe u sôron akaa una kar kuman.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

Mpase U Yohane 22:11

Or u eren ifer yô, nana̱ seer a seer eren ifer, or u nan we ibinga yô, nana̱ seer ibinga, or u perapera yô, nana̱ seer a seer eren perapera, u nan lu icighanor yô, nana̱ seer a seer lun icighanor.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.