Numeri 18:8 - ICIGHAN BIBILO

⁸ TER kaa a Aron er: Nenge, ka Mo je, M ne u tom u nengen sha iniav mbi kenden sha la ye; uicighanmbaakaav mba Mbaiserael la cii, ka we M ne u ve a ônov ou, ka kwar wen gbem je la.

Numeri 18:8 Iomraidhean Croise

2 Utor 12:16

Kpa inyaregh ki iniav mbi iboov man inyaregh ki iniav mbi isholibo, i va a mi ken iyou i TER ga; ki lu sha ci u upristi.

2 Kroniku 31:4

Shi a kaa ior mba ve tem ken Yerusalem la er, ve̱ na kwar u upristi man u Mbalevi, sha u vea ver asema a ve sha atindi a TER yô.

2 Kroniku 31:5

Fese nahan, er imo la i samber yô, Mbaiserael na iyiav mbi tsutswav mbi alakema man wain man mkurem man iyough man shi akaa a a lu ken ikôngo cii; ve va a môm-ken-upue u hanma kwagh cii; ve va a mi kpishi.

Ekesodu 28:43

Aron man ônov nav ve̱ huwan a shighe u vea nyôron ken tenti u kohol ker la, shin shighe u vea kporom hen atse sha u eren tom ken icighanjiir, sha u ve̱ de kpel ibo, ve̱ kpeen ga yô; i̱ lu un tindi u gbem kua tsombor na u ken ijime na.

Ekesodu 29:21

Er awambe a sha atse la, kua mkurem ma shighen kpaa, mishi Aron iyol kua sha akondo a na, man ônov nav, kua sha akondo a ônov nav kpaa; nahan á tsegha un kua akondo a na man ônov nav kua akondo a ônov nav kpaa.

Ekesodu 29:28

ve̱ hingir kwar u Aron kua ônov nav gbem je, u Mbaiserael vea naan ve yô, gadia ka nagh ku kenden sha je, ka nagh ku kenden sha, ku Mbaiserael ve̱ kenden ku sha, sha iniav vev mbi bem, ka nagh vegh ku kenden sha ku ve ne TER je la.

Ekesodu 29:29

Uicighanmbaakondov mba Aron la, vea hingir mba ônov nav ken ijime na, sha er á shighe ve mkurem, á tsegha ve a mi iyol yô.

Ekesodu 40:13

Haa Aron uicighanmbaakondov, shighe un mkurem, tsegha un, a̱ eren Mo tom u pristi.

Ekesodu 40:15

shighe ve mkurem er u shigh ter ve nahan, ve̱ eren Mo tom u pristi; mshigh ve la maa una na, vea lu upristi gbem sha ikov ikov.

Yesaia 10:27

Tsô sha iyange la, ikav nav mbia osogh sha avande a ou, igbur na kpaa sha mon wou, igbur ia vihi sha avande a ou kera.

Levitiku 21:10

Pristi u a lu u vesen ken anmgbianev nav, u i hee un mkurem ma shighen sha ityou i tsegh un er a̱ haan akondo la yô, a̱ de lu ityough meghaa ga, shi a̱ de anden akondo na kpaa ga,

Levitiku 23:20

Pristi a̱ cia a mi, a ubredi mba iyiav mbi tsutswav la imôngo, i̱ lu nagh ku cian sha ishigh ki TER, a agumaiyôngo ahar la imôngo, i̱ lu icighankwagh u TER sha ci u pristi.

Levitiku 6:16

Kwagh u a shi her yô, Aron a ônov nav ve̱ ya; i̱ de we kwa sha mi ga, i̱ yaan ku ken icighanjiir; ka ken tembe u tenti u kohol ker la, ve̱ yaan ku ye.

Levitiku 6:18

Hanma wan u Aron u nomso nana ya ku, ka tindi u gbem sha ikov ikov sha iniav mbi usuv mbi TER; hanma or u nana bende a mbi yô, nana hingir icighanor.

Levitiku 6:20

Nagh ku Aron a ônov nav, ku vea na TER sha iyange i á shighe un mkurem la yô, ka mwem ma kengese ma ma kom môm-ken-upue u efa, sha ci u nagh ku sha samuyia ku gbem, i̱ pande ma vough vough, i̱ na pepe man aikighe.

Levitiku 6:26

Pristi u a ne ku sha ci u isholibo la, ka un una yaan ku ye; i̱ yaan ku hen icighanjiir je, ka hen tembe u tenti u kohol ker la.

Levitiku 7:14

Nana̱ dugh masa môm ken hanma nagh, a̱ hingir nagh ku nan TER; a̱ hingir kwagh u pristi u a mishin awambe a nagh ku bem la.

Levitiku 7:28

TER shi ôr kwagh a Mose, kaa er:

Levitiku 7:6

Hanma nomsoor ken upristi yô, nana ya ku; i̱ yaan ku ken icighanjiir; ka icighankwagh u hemban cii je.

Levitiku 8:30

Shi Mose tôô mkurem ma shighen kua awambe a sha atse la, mishi Aron iyol kua sha akondo a na, man shi ônov nav kua sha akondo a ônov nav kpaa; a tsegha Aron kua akondo a na man ônov nav kua akondo a ve kpaa.

Numeri 18:9

Uicighanmbaakaav mba hemban cii mba i nanden sha usu ga yô, kwagh u una lu u wou sha mi yô, ka iniav vev cii, hanma nagh vegh ku sha samuyia man hanma nagh vegh ku isholibo man hanma nagh vegh ku iboogh ku vea nam la, kua hingir we kua ônov ou icighankwagh u hemban cii je.

Numeri 5:9

Hanma nagh ku kenden sha sha uicighanmbaakaav mba Mbaiserael cii, ku ve va na pristi yô, ku̱ hingir kwagh na je.

1 Mbakorinte 9:13

Ne kera fa er mba ve eren tom sha uicighanmbaakaav mba ken tempel la ve ye kwagh ken tempel gaa? Man shi mba ve eren tom sha atse a nanden nagh sha mi yô, mba zough a kwar sha atse gaa?

Duteronomi 12:11

shighe la ijiir i TER, Aôndo wen, Una tsuwa i, sha u Una ver iti Na i̱ luun ker la, ka ker né zaan a akaa a M kaa ne la cii ye: iniav yenev mbi nanden man iniav yenev mbi sôngon man môm-ken-upue enev man nagh ku kenden sha ku sha uwegh enegh, man uicighan mba uiceghzwa enev mba ne tsegh a TER yô;

Duteronomi 12:6

ka her kpaa né vaan a iniav yenev mbi nanden man iniav yenev mbi sôngon man môm-ken-upue enev man nagh ku kenden sha ku sha uwegh enegh man uiceghzwa enev man iniav yenev mbi sha ishima i dedoo man ônovmbaiundav mba ibua you man mba iyôngo you ye.

Duteronomi 18:1

Mbalevi mba ve lu upristi, kwe u Levi la cii, mba a kwar shin dyako a Mbaiserael imôngo ga; vea yaan iniav mbi usuv mbi TER kua dyako Na.

Duteronomi 26:13

tsô ú kaa sha ishigh ki TER, Aôndo wou, wer: M due a uicighanmbaakaav hen ya wam kera, m na Orlevi man shiror man ancôghol kua kwasecôghol sha imo You i U kaam cii yô, m per ma tindi môm ken atindi Ou ga, m hungul a kpaa ga.

Mbaheberu 1:9

Perapera doo U ishima, U gema U nyagh mvende u vendan atindi la. We Aôndo, ka nahan man Aôndo Wou haa U mkurem ma iemberegh hemba mbakwav Wou ye.

1 Yohane 2:20

Kpa ne yô, ne mba a mshigh u u A lu Icighan la, ne cii, ne fa.

1 Yohane 2:27

Kpa ne yô, mshigh u ne zua a mi her a Na la, ngu lun ken a ven, kera gba u ma or nana tese ne ga, kpa mshigh Na ne, a tesen ne kwagh sha akaa cii, un ka u mimi, ka u aiegh ga, man er a tese ne nahan yô, lu nen ken a Na kpaa.