Numeri 18:7 - ICIGHAN BIBILO

⁷ Kpa we a ônov ou yô, eren nen tom u pristi u sha hanma kwagh u hen atse a nanden nagh sha mi man u ken atô u ikondo i yisan la; ka her né eren tom ye; M na ne tom u pristi gbilin; or u ken inya u nana kporom her yô, i̱ wua nan.

Numeri 18:7 Iomraidhean Croise

Upasalmi 115:10

We, ya u Aron, suur sha TER; ka Un A lu iwasen ve, man perutya ve kpaa ye.

Ekesodu 28:1

Due a anngôu Aron kua ônov nav, ken atô u Mbaiserael, ve̱ kporom her a we sha er a̱ eren Mo tom u pristi yô, ka Aron man Nadabi man Abihu man Eleasar kua Itamar, ônov mban Aron.

Ekesodu 29:9

Kange ve atsar shin awenge, Aron a ônov nav; cir ve ader sha ityou; tom u pristi u̱ lu u ve sha tindi gbem sha won; kape ú ver Aron a ônov nav sha tom je la.

Esekiel 44:15

Kpa Mbalevi mba ve lu upristi, ônov mba Sadoki, mba ve lu eren tom ken icighanjiir Wam, zum u Mbaiserael ve kaha ve undum la, ka ve vea kporom her a Mo sha u eren Mo tom man vea tile sha ishigh Yagh sha u nan Mo nagh sha ahôm man awambe, kape Ter AÔNDO A kaa ne;

Esekiel 44:16

ka ve vea nyôr ken icighanjiir Wam man ka ve vea kporom hen tebul Wam, sha u eren Mo tom, man u veren ishima sha tom Wam.

Esekiel 44:8

Ne kera wa iko sha tom u sha akaa Am a tseghan la ga; kpa ne gema ne ver atôatyev sha u a̱ eren Mo tom ken icighanjiir Wam.

Levitiku 16:2

tsô TER ôr kwagh a Mose er: Kaa a anngôu Aron wer, a̱ de gbe nyôron ken icighanjiir ken atô u ikondo i yisan sha ishigh ki ijiir i nan iwom her, i i lu sha areki la, hanma shighe tsô ga, sha er una kpe ga yô, gadia ka ken ibeen M ande sha ijiir i nan iwom her la ye.

Levitiku 7:35

Ungun ka kwar u Aron kua kwar u ônov nav ken iniav mbi TER mbi usuv je ne, sha iyange i A va a ve sha u ve̱ er tom u pristi sha ishigh ki TER la,

Numeri 1:51

Man á kuman u moughon a tabernakel yô, Mbalevi ve̱ sough un; á kuman u timin tabernakel kpaa, i̱ lu Mbalevi ve̱ tim ye; aluer or u ken inya nana kporom her yô, i̱ wua nan.

Numeri 16:40

sha u ve̱ lu Mbaiserael ikav i umbur kwagh, man sha u or u ken inya nan lu ken tsombor u Aron ga, nana de kporom er nana̱ nande kwaghhumandoon sha ishigh ki TER, nana gema á hingir er Koraki a ior nav nahan ga, er TER kaa Mose, Mose gema kaa un nahan.

Numeri 18:20

TER kaa a Aron er: Ú zua a dyako ken tar ve ga, kwar kpaa ú zua a mi her a ve ga; Mo M ngu kwar wou man dyako wou ken Mbaiserael.

Numeri 18:3

Ve̱ eren we tom kua tom u tenti cii; saa mkporom tsô, ve̱ de kporom hen ikav mbi icighanjiir man hen atse a nanden nagh sha mi la ga ye, sha er vea kpe ga, ve man ne kpaa ga yô.

Numeri 3:10

Ver Aron man ônov nav, ve̱ eren tom ve u pristi; or u ken inya nana kporom, her yô, i̱ wua nan.

Numeri 3:38

Mba ve̱ haan afo sha ishigh ki tabernakel vegher u sha ityoughkitaregh, sha ishigh ki tenti u kohol ker la, sha vegher u iyange i dugh la yô, lu Mose man Aron a ônov nav, mba ve eren tom u ken icighanjiir la, ka tom u i eren Mbaiserael je la; or u ken inya u nana kporom her yô, i̱ wua nan.

Mateu 10:8

Bee nen mba ve lu dedoo ga la angev; nder nen mbakpenev; wanger nen mbaamandev; dugh ujijingi mba bov. Ne ngohol gbilin, na nen di gbilin kpaa.

YOHANE 3:27

Yohane gema kaa er: Or á fatyô u ngohol ma kwagh ga, saa á na nan Sha.

Mbaefese 3:8

Mo u m hembe gban ijime ken uicighanmbaiorov cii yô, i nam mrumun u sha mhôôn ne u ôron atôatyev Loho u Dedoo u mngee u Kristu A ngee a akaa i gande u tôvon la,

Duteronomi 18:2

Una zua a ma dyako ken anmgbianev nav ga; ka TER A lu dyako na ye, er A kaa un nahan.

Mbaheberu 5:4

Man mayange or gbe ngohol icivir ne iyol i nan tsô ga, kpa ka Aôndo je A yer nan ye er A yila Aron nahan vough.

Yosua 18:7

Mbalevi mba a ma ci ken a ven ga, gadia ka tom u pristi u TER u lu dyako ve ye; Gadi man Ruben man vegherkwe u Manase yô, ve vande ngohol dyako ve yande Yordan vegher u sha ityoughkitaregh, u Mose wanakiriki u TER na ve la.

1 Peteru 5:2

Kura nen ikumuile i Aôndo i i lu hen ven la, er ka sha ci u Aôndo nahan, i̱ de lu er i kighir ne a kighir ga, kpa i̱ lu sha asema a en; i̱ de lu sha ci u mtsera u dang ga, kpa i̱ lu sha gbashima je;

1 Peteru 5:3

i̱ de lu er ne mba eren tahav sha kwagh u i we ne sha ikev ga, kpa lu nen ikumuile la ikav.

1 Samuel 2:28

Man ken ikwe i Iserael cii m tsuwa un Mer, a̱ hingir pristi Wam, a̱ unden sha atse Am a nanden nagh sha mi, a̱ nanden kwaghhumandoon, man a̱ haan efodi sha ishigh Yagh; shi M na ya u teru iniav mbi usuv mbi Mbaiserael cii.