Numeri 18:5 - ICIGHAN BIBILO

⁵ Eren nen tom u icighanjiir kua tom u atse a nanden nagh sha mi kpaa, sha er i̱ de kera shi yuwen a Mbaiserael ga yô.

Numeri 18:5 Iomraidhean Croise

1 Kroniku 23:24

Mban ka ônov mba Levi sha uya mba uter vev, ka mbavesen mba sha uya mba uter, mba i ôr iyenge ve sha asange asange, mba ve eren tom u ken iyou i TER, hii sha or u nan kom anyom ikundu man u nan hembe nahan kpaa.

1 Kroniku 23:32

man sha u ve̱ ver ishima sha tom u tenti u kohol ker, man tom u icighanjiir, man tom u wasen anmgbianev vev, ônov mba Aron, sha ci u tom u ken iyou i TER la.

1 Kroniku 24:5

Kape i kar ve sha ishor i eren la, ngun man ngula; gadia mbavesen sha tom u icighanjiir man mbavesen sha tom u Aôndo lu ken ônov mba Eleasar kua ken ônov mba Itamar kpaa.

1 Kroniku 9:19

Shalum wan u Kore, wan u Ebiasav, wan u Kora, man anmgbianev nav mba ken ya u ter na, ka Mbakora je la, i wa ve tom sha ikev, ve lu kuran ihinda i tenti; uter vev vande lun mbakuran hunda u nyôron ken afo a TER.

1 Kroniku 9:23

Ve kua ônov vev, ve lu mbanengen sha ihinda i iyou i TER, ka iyou i tenti je la; ve lu mbakuran.

1 Kroniku 9:33

Man mbawanatsam kpaa lu, mbavesen mba sha uya mba uter mba Mbalevi, ve teman ken ayou a hen tempel la, i na ve tom ugen ga, gadia tugh man tetan cii, ve luun sha tom ve.

Ekesodu 27:21

Ken tenti u kohol her la, ken won u ikondo i yisan i i lu sha ishigh ki Shiada la, Aron vea ônov nav ve̱ sôron i sha ishigh ki TER, i̱ yeghen aikighe zan zan sev mbu̱ aven a mi; i̱ hingir Mbaiserael tindi gbem sha ikov ikov.

Yeremia 23:15

Nahan yô, TER u akum a Sha ngu kaan sha kwagh u uprofeti nahan er: Nenge, Me na ve kon u yuwan, ve̱ ya, man shi Me na ve mngerem ma meghem, ve̱ ma; gadia ka ken uprofeti mba Yerusalem je u wan Aôndo iko ga a dugh a nyer ken tar la cii ye.

Esekiel 44:15

Kpa Mbalevi mba ve lu upristi, ônov mba Sadoki, mba ve lu eren tom ken icighanjiir Wam, zum u Mbaiserael ve kaha ve undum la, ka ve vea kporom her a Mo sha u eren Mo tom man vea tile sha ishigh Yagh sha u nan Mo nagh sha ahôm man awambe, kape Ter AÔNDO A kaa ne;

Esekiel 44:16

ka ve vea nyôr ken icighanjiir Wam man ka ve vea kporom hen tebul Wam, sha u eren Mo tom, man u veren ishima sha tom Wam.

Levitiku 10:6

Mose gema kaa a Aron man ônov nav Eleasar man Itamar, er: De lu nen ityough meghaa ga, man de anden nen akondo a en kpaa ga, sha er né kpe ga, man A̱ de yugh ior cii kpaa ga yô; kpa anmgbianev enev, ya u Iserael cii yô, ve̱ gba vaan usu u TER A nande la tsô.

Levitiku 24:3

Aron a̱ sôron i ken won u ikondo i yisan i Shiada ken tenti u kohol ker la, i̱ yeghen her aikighe zan zan sev mbu av, sha ishigh ki TER gbem; i̱ lu tindi u gbem sha ikov ikov.

Sekaria 10:3

Iyugh Yam ngi yeghen sha mbakuran, Me tsaha ukpev; gadia TER u akum a Sha va sôr ikumuile Na, ka ya u Yuda je la, Una gema ve vea hingir er nyinya Na u dedoo ken utya yô.

Numeri 1:50

kpa ver Mbalevi ve̱ nengen sha tabernakel u shiada man sha ikav nav cii, kua sha hanma kwagh u a lu u na kpaa; ka ve vea tôôn tabernakel a ikav nav cii, man ka ve vea eren tom na kpaa, shi vea haan afo a ve, vea kasen tabernakel ye.

Numeri 1:53

Kpa Mbalevi yô, ve̱ haa ve̱ kase tabernakel u shiada, sha er iyugh i̱ de hee sha mkohol u ior i Mbaiserael ga yô; Mbalevi ve̱ nengen sha tabernakel u shiada la.

Numeri 16:46

Mose kaa a Aron er: Tôô gbande wou u kwaghhumandoon, dugh usu ken atse a nanden nagh sha mi, wa shimi, haa kwaghhumandoon sha mi, tôô fese za a mi hen ior, za na iwom sha ci ve; gadia TER ngu yuwen, bouange kpaa hii ve.

Numeri 18:4

Ve̱ kohol we, ve̱ eren tom u tenti u kohol ker la, hanma tom u tenti cii; or u ken inya nana̱ de mgbôghom a ve ga.

Numeri 4:18

De rumun nen ner i̱ tim kwe u uipaven mba Mbakohati ken Mbalevi kera ga;

Numeri 8:19

M tsuwa Mbalevi ken Mbaiserael M gema ve M na Aron a ônov nav, ve̱ eren tom u Mbaiserael ken tenti u kohol ker la, shi ve̱ naan iwom sha ci u Mbaiserael, sha er bouange a̱ de luun ken Mbaiserael, sha mkporom u Mbaiserael vea kporom hen icighanjiir la ga.

Numeri 8:2

Ôr kwagh a Aron kaa un wer: Zum u ú tsar amenger yô, amenger a ataankarahar la, a̱ wanger ken hemen u daarimenger.

1 Timoteu 1:18

Wan wam Timoteu, m ngu wan we kwaghwan ne, m ngu nan we sha ikev, ka kwagh môm a akaa a i tsengaôron sha a we sha kwaghôron u profeti la, nahan i̱ lu sha akaa ne man ú nôngo ityav mbi dedoo,

1 Timoteu 3:15

sha u aluer me timbir kpaa, ú fa er i doo u eren ken ya u Aôndo, ka nongo u Kristu u Aôndo u uma je la, ka ityôgh man imagh ki mimi a suur sha mi yô.

1 Timoteu 5:21

M ngu wan we kwagh sha ishigh ki Aôndo man Kristu Yesu kua uicuwanmbatyomov mba Shaav mer, kura atindi angan, de gbe kuren kwagh sha mhange u i hange u la tsô ga, de eren ma kwagh sha msange u sha dooshima kpaa ga.

1 Timoteu 6:20

We, Timoteu, kuran kwagh u i we u sha ikev la. Palegh ayôôso a dang a gbilinigh la man anyimanaikaa a i eren aie sha mi er ka kwaghfan la.