Numeri 18:3 - ICIGHAN BIBILO

³ Ve̱ eren we tom kua tom u tenti cii; saa mkporom tsô, ve̱ de kporom hen ikav mbi icighanjiir man hen atse a nanden nagh sha mi la ga ye, sha er vea kpe ga, ve man ne kpaa ga yô.

Numeri 18:3 Iomraidhean Croise

Esekiel 44:13

Vea kera kporom hen a Mo sha u eren Mo tom u pristi ga, man shi vea kera kporom hen akaa a tseghan a Am ga, ka akaa a i hembe tseghan a je la, kpa vea ya kunya ve, sha aeren a ve a ndôhôrshima a ve er yô.

Numeri 1:51

Man á kuman u moughon a tabernakel yô, Mbalevi ve̱ sough un; á kuman u timin tabernakel kpaa, i̱ lu Mbalevi ve̱ tim ye; aluer or u ken inya nana kporom her yô, i̱ wua nan.

Numeri 1:53

Kpa Mbalevi yô, ve̱ haa ve̱ kase tabernakel u shiada, sha er iyugh i̱ de hee sha mkohol u ior i Mbaiserael ga yô; Mbalevi ve̱ nengen sha tabernakel u shiada la.

Numeri 16:40

sha u ve̱ lu Mbaiserael ikav i umbur kwagh, man sha u or u ken inya nan lu ken tsombor u Aron ga, nana de kporom er nana̱ nande kwaghhumandoon sha ishigh ki TER, nana gema á hingir er Koraki a ior nav nahan ga, er TER kaa Mose, Mose gema kaa un nahan.

Numeri 18:4

Ve̱ kohol we, ve̱ eren tom u tenti u kohol ker la, hanma tom u tenti cii; or u ken inya nana̱ de mgbôghom a ve ga.

Numeri 18:7

Kpa we a ônov ou yô, eren nen tom u pristi u sha hanma kwagh u hen atse a nanden nagh sha mi man u ken atô u ikondo i yisan la; ka her né eren tom ye; M na ne tom u pristi gbilin; or u ken inya u nana kporom her yô, i̱ wua nan.

Numeri 3:25

Tom u i ver Mbagershon ken tenti u kohol ker la yô, lu u nengen sha tabernakel man tenti a kwagh u cirin sha mi, man kwagh u yisan hunda u tenti u kohol ker la a mi,

Numeri 3:31

Tom ve yô, lu u nengen sha areki man tebul man daarimenger man atse a nanden nagh sha mi, man ikav mbi icighanjiir mbi ve eren tom sha mbi, man ikondo i yisan man tom u sha mi la cii.

Numeri 3:36

Tom u i ver ônov mba Merari sha mi yô, lu u nengen sha mtôm ma ipeem ma tabernakel man itiran na man mtôm nam man agbur a ma a ikav nav cii, kua tom na cii;

Numeri 31:30

Ken kwar u Mbaiserael la yô, ngohol môm u i tsough ken hanma akunduahargber, u ior man u ibua man u ujaki man u iyôngo, uzendenya cii, gema na Mbalevi, mba ve eren tom ken tabernakel u TER la.

Numeri 4:15

Zum u Aron a ônov nav vea cir icighanjiir man ikav mbi icighanjiir kera, shighe a kuma u hemben hen afo la yô, ken masejime la, ônov mba Kohati ve̱ va tôô, kpa ve̱ de benden uicighanmbaakaav ave ga, sha er vea kpe ga yô. Ka ikav mbi tenti u kohol ker, mbi ônov mba Kohati vea tôôn je ne.