Numeri 18:26 - ICIGHAN BIBILO

²⁶ Ôr kwagh a Mbalevi kaa a ve wer: Zum u né ngohol môm-ken-upue hen Mbaiserael, u M ne ne a hingir dyako wen la yô, pande, na nen TER nagh ku kenden sha mi, ka môm-ken-upue u umôm-ken-upue la je la.

Numeri 18:26 Iomraidhean Croise

Nehemia 10:38

Pristi wan u Aron una lu a Mbalevi imôngo, zum u Mbalevi vea ngohol môm-ken-upue yô, shi Mbalevi vea tsuwa môm-ken-upue u umôm-ken-upue mba akaav la, vea va a mi hen iyou i Aôndo wase, ken ukpar mba ken iyou i koson akaa ker la.

Nehemia 10:39

Gadia Mbaiserael man Mbalevi vea va a iniav mbi alakema man wain man mkurem, hen ayou, henpe ikav mbi icighanjiir, man upristi mba ve eren tom la, man mbakuranhunda kua mbawanatsam ve lu yô; mayange sé kera gbihi iyou i Aôndo wase ga.

Numeri 15:21

Naan nen TER nagh ku kenden sha, sha mwem ma geran enem ma hiihii la, sha ikov ikov.

Numeri 18:21

Nenge, M na ônov mba Levi môm-ken-upue u ken Iserael la cii, i̱ hingir dyako ve, sha ci u tom ve u ve eren yô, ka tom u tenti u kohol ker la.

Numeri 18:25

TER ôr kwagh a Mose, A kaa er:

Numeri 18:27

Nagh enegh ku kenden sha kun, kua hingir ne er ka alakema u sha vande u gbiren iyiav yô, man shi er wain u a iv hen ihungwa i shoghol nahan.

Mbaheberu 7:5

Mba ken ônov mba Levi mba ve zough a tom u pristi la yô, tindi kaa er ve̱ ngohol môm-ken-upue hen nongoior la, ka hen anmgbianev vev je la, shin er ve lu mba ken tsombor u Aberaham nahan kpaa.