Numeri 18:24 - ICIGHAN BIBILO

²⁴ Gadia môm-ken-upue u Mbaiserael u ve ne TER nagh ku cian mi la, M na Mbalevi, hingir dyako ve; ka nahan man M kaa Mer, ken Mbaiserael yô, vea zua a ma dyako ga ye.

Numeri 18:24 Iomraidhean Croise

Nehemia 10:38

Pristi wan u Aron una lu a Mbalevi imôngo, zum u Mbalevi vea ngohol môm-ken-upue yô, shi Mbalevi vea tsuwa môm-ken-upue u umôm-ken-upue mba akaav la, vea va a mi hen iyou i Aôndo wase, ken ukpar mba ken iyou i koson akaa ker la.

Nehemia 13:12

Nahan Yuda cii, va a môm-ken-upue u alakema man u wain man u mkurem, va ver ken ayou a koson akaa ker la.

Levitiku 27:30

Môm-ken-upue u inyaregh cii, shin a lu iyiagh ki inyaagh, shin atam a ikon, ka u TER je; ka icighankwagh u TER.

Numeri 18:25

TER ôr kwagh a Mose, A kaa er:

Numeri 18:26

Ôr kwagh a Mbalevi kaa a ve wer: Zum u né ngohol môm-ken-upue hen Mbaiserael, u M ne ne a hingir dyako wen la yô, pande, na nen TER nagh ku kenden sha mi, ka môm-ken-upue u umôm-ken-upue la je la.

Numeri 26:62

Mba i ôr iyenge ve yô, lu ior dubu ikundu kar utar; hanma nomsoor hii sha mba ve kom uwer môm man mba ve hembe nahan; gadia i na ve dyako ken ônov mba Iserael ga.

Duteronomi 10:9

Ka nahan man Levi a kera lu a kwar shin dyako a anmgbianev nav imôngo ga ye; ka TER je A lu dyako na ye, er TER, Aôndo wou, kaa un nahan.

Duteronomi 26:12

Zum u u dugh môm-ken-upue u iyiagh you cii, u bee, ken inyom i sha utar la yô, ka inyom i dughun môm-ken-upue je la, gema na Orlevi man shiror man ancôghol kua kwasecôghol, ve̱ ya ken ihindagar you i̱ kuma ve;

Yosua 13:14

Ka kwe u Levi tseegh a na u dyako ga yô; iniav mbi TER, Aôndo u Iserael, mbi i ne mbi sha usu, ka mbi, mbi lu dyako na ye, er A kaa un yô.