Numeri 18:22 - ICIGHAN BIBILO

²² Nahan yô, Mbaiserael ve̱ de kera kporom hen tenti u kohol ker la ga, sha u ve̱ de kper ibo i isholibo, ve̱ kpeen ga yô.

Numeri 18:22 Iomraidhean Croise

Ekesodu 28:43

Aron man ônov nav ve̱ huwan a shighe u vea nyôron ken tenti u kohol ker la, shin shighe u vea kporom hen atse sha u eren tom ken icighanjiir, sha u ve̱ de kpel ibo, ve̱ kpeen ga yô; i̱ lu un tindi u gbem kua tsombor na u ken ijime na.

Levitiku 20:20

Man aluer or á yav a kwase u anngô u ter u nan yô, nan bugh idyelegh u anngô u ter u nan je; vea tôô isholibo ve, vea kpe atseen.

Levitiku 22:9

Yô, ve̱ waan kwagh u M we ve ne iko, sha er ve̱ de kper ibo, ve̱ hee iyol, ve̱ kpeen zum u ve hôngor a mi la ga; ka Mo TER u M tsegh ve ne.

Numeri 18:7

Kpa we a ônov ou yô, eren nen tom u pristi u sha hanma kwagh u hen atse a nanden nagh sha mi man u ken atô u ikondo i yisan la; ka her né eren tom ye; M na ne tom u pristi gbilin; or u ken inya u nana kporom her yô, i̱ wua nan.

Numeri 3:10

Ver Aron man ônov nav, ve̱ eren tom ve u pristi; or u ken inya nana kporom, her yô, i̱ wua nan.

Numeri 3:38

Mba ve̱ haan afo sha ishigh ki tabernakel vegher u sha ityoughkitaregh, sha ishigh ki tenti u kohol ker la, sha vegher u iyange i dugh la yô, lu Mose man Aron a ônov nav, mba ve eren tom u ken icighanjiir la, ka tom u i eren Mbaiserael je la; or u ken inya u nana kporom her yô, i̱ wua nan.