Numeri 18:21 - ICIGHAN BIBILO

²¹ Nenge, M na ônov mba Levi môm-ken-upue u ken Iserael la cii, i̱ hingir dyako ve, sha ci u tom ve u ve eren yô, ka tom u tenti u kohol ker la.

Numeri 18:21 Iomraidhean Croise

Genese 14:20

I̱ wuese Aôndo Uhembansha, u A ne mbaihomov ou sha ikev you yô. Tsô a tsuwa môm-ken-upue u ken hanma kwagh, a na un.

Genese 47:24

Zum u á gema sundan yô, né tsuwa tihi môm ken atihi ataan, né na Farao, atihi anyiin yô, a̱ lu a en, sha ci u ivor i ken sule man sha ci u kwaghyan wen kua mba hen uya enev, man sha ci u kwaghyan u ônov enev mba kiriki.

Genese 47:26

Yosev maa wa tindi sha ishule i Igipiti zan zan nyian, er Farao a̱ zuan a tihi môm ken atihi ataan; saa tar u upristi tsegh u hingir u Farao ga ye.

2 Kroniku 31:12

Ve nyôr a iniav man môm-ken-upue mba akaav man uicighanmbaakaav sha ishima i veren; Konania, Orlevi, hingir ornengen sha akaa la, anngô na Shimei gema dondo sha a na.

Nehemia 10:29

ve var a anmgbianev vev kua mbatamen vev, ve zua zwa ve tseva zwa, shi ve bum er vea zende sha atindiakaa a Aôndo, a i na sha ikev i Mose wanakiriki u Aôndo la, shi vea wa atindi a TER, Ter wase, cii iko, vea er sha mi, kua akaaôron a Na a jirigh man akaawan a Na kpaa;

Nehemia 10:37

man sé va a mwem asem ma geran ma hem, man iniav yasev mbi nan la, man atam a hanma injakon, man wain man mkurem, hen upristi, ken ayou a koson akaa ker a ken iyou i Aôndo wase; man sé va a môm-ken-upue u ishule yase hen Mbalevi; gadia Mbalevi vea ngohol môm-ken-upue sha agar a se kahan sule cii.

Nehemia 10:38

Pristi wan u Aron una lu a Mbalevi imôngo, zum u Mbalevi vea ngohol môm-ken-upue yô, shi Mbalevi vea tsuwa môm-ken-upue u umôm-ken-upue mba akaav la, vea va a mi hen iyou i Aôndo wase, ken ukpar mba ken iyou i koson akaa ker la.

Nehemia 12:44

Sha iyange la i ver ior sha u nengen sha ayou a koson akaa ker, ka iniav mbi kenden sha, man iyiav mbi tsutswav, man môm-ken-upue mba akaav, man sha u ve̱ kohol akaa ker a i tsough a ken ishule i agar sha ci u upristi kua Mbalevi sha tindi la, gadia Yuda ember sha ci u upristi kua Mbalevi mba ve til sha tom la.

Nehemia 12:47

Sha ayange a Serubabel man sha ayange a Nehemia la, Iserael lu nan mbawanatsam man mbakuranhunda kwar sha gbayol ve u hanma iyange je; ve tsegha akaa sha ci u Mbalevi, Mbalevi di kpaa gema tsegha sha ci u ônov mba Aron.

Nehemia 13:12

Nahan Yuda cii, va a môm-ken-upue u alakema man u wain man u mkurem, va ver ken ayou a koson akaa ker la.

Nehemia 13:5

a sôr un zegekpar henpe ngise ve koson iniav mbi sha samuyia man kwaghhumandoon man ikav man môm-ken-upue u alakema man wain man mkurem, akaa a i na Mbalevi man mbawanatsam man mbakuranhunda sha tindi, kua iniav mbi kenden sha sha ci u upristi la.

Malaki 2:4

Nahan né fa er i lu Mo M tindi ne a kwaghwan ne ye, sha u ikuryan Yam a Levi i̱ lu her yô, kape TER u akum a Sha A kaa ne.

Malaki 3:10

Va nen a môm-ken-upue mba jimin ken iyou i koson inyaregh, sha u iyou Yam i̱ lu a kwaghyan; yô, karem nen ase sha kwagh ne, kape TER u akum a Sha A kaa ne, tsô Mea bugh ne a-an a Sha, Mea haa ne iveren, je ia neer á haa inya.

Numeri 18:6

Nenge, Mo M tsuwa anngôôv enev mba Levi ken Mbaiserael, ve̱ lu ne iwua i i ne ne yô, i gema ve i na TER sha u ve̱ eren tom u tenti u kohol ker la.

Numeri 3:6

Kporom a kwe u Levi, ver ve sha ishigh ki pristi Aron, ve̱ wasen un tom.

Numeri 31:28

ngohol kpandegh ku TER hen mbautyav, mba ve ze ityav la; môm ken deri utaan u ior man u ibua man u ujaki man u iyôngo kpaa.

Mbagalatia 6:6

Or u i lu tesen nan kwaghôron u Aôndo yô, nana̱ kar akaa a doon cii vea or u tesen la.

Duteronomi 18:8

kwar u kwaghyan u vea yaan yô, ua lu môm, á wa kwagh u nan zough a mi sha dyako u nan u nan tee la ker ga.

Mbaheberu 7:5

Mba ken ônov mba Levi mba ve zough a tom u pristi la yô, tindi kaa er ve̱ ngohol môm-ken-upue hen nongoior la, ka hen anmgbianev vev je la, shin er ve lu mba ken tsombor u Aberaham nahan kpaa.