Numeri 18:20 - ICIGHAN BIBILO

²⁰ TER kaa a Aron er: Ú zua a dyako ken tar ve ga, kwar kpaa ú zua a mi her a ve ga; Mo M ngu kwar wou man dyako wou ken Mbaiserael.

Numeri 18:20 Iomraidhean Croise

Genese 15:1

Ken masetyô u akaa ne yô, mkaanem ma TER va hen Aberam sha mpase u sha mnenge er: De cie ga Aberam, Mo M ngu u perutya, injar you kpaa ia vese kpishi.

Upasalmi 142:5

M yila U TERE, m kaa mer: Ka We U lu ijiir yam i waren, kua kwar wam u ken tar u mbaumav kpaa ye.

Upasalmi 16:5

TER ka kwar u dyako wam man u iyongo yam kpaa; ka We U kor mlu wam gbem ye.

Upasalmi 73:26

Shin iyol yam kua ishima yam vea taver ga kpaa, Aôndo ngu agee a ishima yam man kwar wam gbem sha won.

Ukwelegh 3:24

TER ka kwar wam, kape uma wam a lu kaan ne; nahan yô, ishimaverenkeghen yam ia lu sha a Na.

Esekiel 44:28

Dyako ve yô, ka Mo M lu dyako ve ye; nea na ve ma kwar ken Iserael ga, ka Mo M lu kwar ve ye.

Numeri 18:7

Kpa we a ônov ou yô, eren nen tom u pristi u sha hanma kwagh u hen atse a nanden nagh sha mi man u ken atô u ikondo i yisan la; ka her né eren tom ye; M na ne tom u pristi gbilin; or u ken inya u nana kporom her yô, i̱ wua nan.

Numeri 26:62

Mba i ôr iyenge ve yô, lu ior dubu ikundu kar utar; hanma nomsoor hii sha mba ve kom uwer môm man mba ve hembe nahan; gadia i na ve dyako ken ônov mba Iserael ga.

Duteronomi 10:9

Ka nahan man Levi a kera lu a kwar shin dyako a anmgbianev nav imôngo ga ye; ka TER je A lu dyako na ye, er TER, Aôndo wou, kaa un nahan.

Duteronomi 12:12

né ember sha ishigh ki TER, Aôndo wen, ne a ônov enev mba nomso man mba kasev man ikpan yen i nomso man i ukase man Orlevi u nan va nyer u a nyôr, sha ci u nan lu a kwar shin dyako a ven imôngo ga yô.

Duteronomi 14:27

Orlevi u nan nyer u a nyôr kpaa, de nengen sha nan dang ga, gadia nan ngu a kwar shin dyako a we imôngo ga.

Duteronomi 14:29

Orlevi (sha er nan lu a kwar shin dyako a we imôngo ga yô) man shiror man ancôghol man kwasecôghol mba ve nyer u a nyôr yô, ve̱ va ya, i̱ kuma ve; sha er TER, Aôndo wou A̱ ver u dedoo ken tom u u eren sha ave ou cii yô.

Yosua 13:14

Ka kwe u Levi tseegh a na u dyako ga yô; iniav mbi TER, Aôndo u Iserael, mbi i ne mbi sha usu, ka mbi, mbi lu dyako na ye, er A kaa un yô.

Yosua 13:33

Kpa kwe u Levi yô, Mose na ve ma dyako ga; TER, Aôndo u Iserael, ka dyako ve, er A tôndo zwa a ve yô.

Yosua 14:3

Gadia Mose vande nan ikwe ihiar man vegherkwe la dyako ve yande Yordan; kpa Mbalevi yô, a na ve ma dyako ga.

Yosua 18:7

Mbalevi mba a ma ci ken a ven ga, gadia ka tom u pristi u TER u lu dyako ve ye; Gadi man Ruben man vegherkwe u Manase yô, ve vande ngohol dyako ve yande Yordan vegher u sha ityoughkitaregh, u Mose wanakiriki u TER na ve la.

Mpase U Yohane 21:3

Shi m ungwa zegeimo due ken ikônough ki torough kila kaa er: Nenge, tenti u Aôndo ngu hen ior, Una tema a ve, vea lu nongoior Na, Aôndo iyol Na Una lu a ve.