Numeri 18:13 - ICIGHAN BIBILO

¹³ Hanma iyiav mbi tsutswav, mbi ken tar ve cii, mbi ve ve TER a mi, mbia hingir mbi you; hanma or u hen ya wou u nan lu wang yô, nana̱ ya mbi.

Numeri 18:13 Iomraidhean Croise

2 Utor 4:42

Tsô orgen za va sha Baal-shalisha, a va na or u Aôndo bredi u iyiagh ki tsutswagh, ikpen i bredi i shair ikundu kua asagher a alakema a ndor ken iba na. Nahan a kaa er: Na ior ve̱ ya.

2 Kroniku 31:5

Fese nahan, er imo la i samber yô, Mbaiserael na iyiav mbi tsutswav mbi alakema man wain man mkurem man iyough man shi akaa a a lu ken ikôngo cii; ve va a môm-ken-upue u hanma kwagh cii; ve va a mi kpishi.

Ekesodu 22:29

De ngôôr u nan nagh ku iyiav youv mbi ken sule wou ga, kua wain wou kpaa ga. Waniunda u ken ônov ou mba nomso ú naan Mo.

Ekesodu 23:19

Iyiav mbi tsutswav mbi hemban doon mbi ken sule wou, ú za a mi ken iyou i TER, Aôndo wou. De jiir wanivo sha atumba a ngô na ga.

Ekesodu 34:26

Iyiav mbi tsutswav mbi hemban doon mbi ken sule wou, ú za a mi ken iyou i TER, Aôndo wou. De jiir wanivo sha atumba a ngô na ga.

Yeremia 24:2

Ikese i môm lu a atam a tur a dedoo je, er ka atam a tur a ka a vande vian nahan; man ikese igen la yô, lu a atam a tur a vihin tsung je, vihi je gande u yan a.

Esekiel 44:30

Iyiav mbi hemban doon mbi tsutswav cii mbi hanma kwagh, man hanma nagh ku kenden sha ku iniav yenev mbi kenden sha cii, mbia hingir mbi upristi; man shi mwem enem ma geran ma hemban doon kpaa, na nen upristi sha u iveren i̱ lu sha ya wou.

Hosea 9:10

M tser a Iserael er atam a kon u wain ken desereti nahan; M nenge a uter enev er atam a tsutswa a vian sha kon u tur sha m-um na u hiihii la yô; kpa ve va hen Baal-peor ve tsegha ayol a ve sha ci u kwagh u kunya la, nahan ve hingir kwagh ndôhôrshima vough er kwagh u a doo ve ishima la nahan.

Levitiku 22:7

Zum u iyange ia bee yô, nana hingir wang; ken masetyô yô, nana ya uicighanmbaakaav, gadia ka kwaghyan u nan je.

Levitiku 23:17

Tôô nen ubredi mba cian a mi uhar, ken ajiir a ne tem cii, va nen a mi, mba i er ve sha mwem ma kengese ma ma kom uikaren uhar-ken-upue, i̱ kaa ve i̱ wa kwa sha mi, ve̱ lu iyiav mbi tsutswav mbi nan TER.

Mika 7:1

Kpe ahii! Gadia m hingir er shighe u i vande kohol atam a ikon a fam kera, er twar u yaren sha atam a ikon i wain nahan; sumegh ku atam a wain ku yan, kera ku ga, shin ityamegh ki tur ki tsutswa ki ki sarem yum la kpaa ki ga.

Duteronomi 18:4

Iyiav mbi tsutswav you, alakema wou man wain wou man mkurem ou man aive a tôndon a hiihii a iyôngo you, ú na un.

Duteronomi 26:2

pande atam a tsutswa a iyiagh ki tar la cii, a u kur a mi ken sule wou, u TER, Aôndo wou, A ne u la, haa a shin ikese, za a mi hen ijiir i TER, Aôndo wou, Una tsuwa sha u veren Iti Na er i̱ lu ker la.