Numeri 16:28 - ICIGHAN BIBILO

²⁸ Mose kaa er: Ka sha kwagh ne man né fa er i lu TER A tindim sha u m̱ eren ityom ne cii ye, m gbe eren i sha ishima yam tsô ga.

Numeri 16:28 Iomraidhean Croise

1 Utor 18:36

Tsô sha shighe u nan nagh ku aikighe la, profeti Eliya kporom, kaa er: TERE, Aôndo u Aberaham man u Isaka kua u Iserael, na i̱ fa nyian ken igbar je er We U lu Aôndo ken Iserael, man mo kpaa m lu wanakiriki Wou, m er akaa ne cii sha imo You yô.

Ekesodu 3:12

A kaa er: Mimi je, Me lu a we imôngo; kwagh ne una hingir we ikav, er i lu Mo M tindi u yô: zum u ú due a ior ken tar u Igipiti yô, ka hen uwo ne je né va civir Aôndo ye.

Ekesodu 4:12

Nahan yô, gba zan tsô, Mo Me lu a zwa wou imôngo, Me tesen we kwagh u ú ôr yô.

Ekesodu 4:15

Ú ôron kwagh a na, ú waan un akaaôron ken zwa. Mo Me lu a zwa wou imôngo man zwa na kpaa, Me tesen ne kwagh u né er yô.

Ekesodu 7:9

Aluer Farao una ôr kwagh a ven er: Tese nen ikav i kpilighyol yôô; nahan we gema kaa a Aron wer: Gema gbough ough gbihi inya sha ishigh ki Farao, ku̱ hingir iyô.

Yeremia 23:16

TER u akum a Sha ngu kaan nahan er: De we nen iko sha akaaôron a uprofeti mba ve ôron ne kwagh la ga; mba tesen ne u veren ishima sha gbilinkwagh; kwagh u ve nenge a mi, ve er na la, ka u sha asema a ve tsô, ka kwagh u sha zwa u TER ga.

Esekiel 13:17

We wan u or, ver ishigh you sha u lun ihom a ônkasev mba ior ou, mba ve er kwaghôron u profeti sha asema a ve la; ôr kwaghôron u profeti a ve,

Sekaria 2:9

Gadia, nenge, Me kunde uwegh Agh sha a ve, vea hingir ishar i mba iyange ve shiren ve tom la; tsô nea fa er i lu TER u akum a Sha, A tindim yô.

Sekaria 4:9

Ave a Serubabel tim imagh ki iyou ne, shi ka ave na kpaa aa kure i ye, tsô né fa er i lu TER u akum a Sha a tindim her a ven yô.

Numeri 24:13

Shin Balaki una nam ya na a azurfa man zenaria ker poo kpaa, me fatyô u karen imo i TER, eren ma kwagh sha ishima yam ga, shin a lu u doon shin a lu u bo kpaa; kwagh u TER A kaa la, ka un me kaa ye gaa?

YOHANE 11:42

kera je kpaa M fa er U ongom keke yô, kpa ka sha ci u ikpelaior i i kasem heen ne man M kaan nahan ye, sha u ve̱ na jighjigh er i lu We U tindim yô.

YOHANE 14:11

Nam nen jighjigh er M lu ken Ter, Ter kpaa A lu ken a Mo yô; gayô, nam nen jighjigh sha ci u ityom la iyol i i.

YOHANE 5:30

Mo yô, M fatyô u eren ma kwagh sha tahav Av iyol Yam ga. Er M ongo nahan, kape M er ijir kpaa la; man ijirôron Yam ka i mimi, gadia M keren u eren ishima yam ga, kpa ka ishima i Un u A tindim la.

YOHANE 5:36

Kpa Mo M ngu a mpase u sha kwagh Wam u a hembe u Yohane la yô; gadia ityom i Ter A nem er M̱ kure i ne, ka ityom i M eren i ne je i lu pasen kwagh Wam er Ter A tindim ye.

YOHANE 6:38

Gadia M sen Sha, ka sha u Me er ishima Yam ga, kpa ka u eren ishima i u A tindim la.

Duteronomi 18:22

Yô, zum u ma profeti nana ôr kwagh ken iti i TER man kwagh la una er nahan ga, man una lu nahan kpaa ga yô, kwagh la, TER kaa un ga; profeti la gba ôron un sha icihi tsô; yô, de cie nan ga.