Numeri 16:26 - ICIGHAN BIBILO

²⁶ A za ôr kwagh a ior, a kaa er: Kar nen hen utenti mba aferaior mban kera yôô; de benden nen ma kwagh ve ave ga, sha er né tim sha asorabo a ve la cii ga yô.

Numeri 16:26 Iomraidhean Croise

Genese 19:17

Tsô zum u ve due a ve ken won yô, A kaa a ve er: Yevese war, de gem ashe ijime ga, gbulumaa ne cii kpaa, de til her ga, yevese yem sha uwo, sha er ú tim ga yô.

Yesaia 52:11

Mough nen, mough nen, due nen ken ijiir la kera, de benden nen ma kwagh u hôngorough ave ga; due nen ker atô na kera; wanger nen ayol a en, ne mbatôôn ikav mbi TER.

Yeremia 51:6

Yevese, due ken atô u Babilon kera, hanma or nana̱ yima uma u nan; i̱ de kera timin ne kera sha ifer na ga; gadia ka shighe u iyevoron i TER je ne, ngu kimbin un sha ieren na.

Numeri 16:25

Tsô Mose mough za hen Datan man Abiram; mbavesen mba Iserael kpaa cir un ijime.

Mateu 10:14

Man aluer ma or nana rumun ne ga, man shi nana ungwa akaaôron a en kpaa ga yô, shighe u nea duen hen ya la shin hen gar la yô, kure nen ihundu i shin angahar a en.

Aerenakaa A Mbaapostoli 13:51

Tsô ve kure ihundu i angahar a ve, ve va ken Ikonium.

Aerenakaa A Mbaapostoli 8:20

Kpa Peteru kaa a na er: Inyaregh you ki̱ saa ishe a we imôngo, sha ci u u hen ken ishima you wer, ú zua a iwua i Aôndo sha inyar yô.

2 Mbakorinte 6:17

Nahan yô, due nen ken atô ve kera, lu nen kposo, kape Ter A kaa la, kwagh u hôngorough kpaa, de benden nen ave ga. Nahan Mo Me rumun ne,

Duteronomi 13:17

Ma kwagh u i tswer un, de saan a mi ga, sha er TER A̱ de iyugh Na i tsung la, A̱ zungwe u mhôônom, mhôônom ma kôr Un a we, A̱ seer we iyenge er A̱ bum a uter ou nahan,

1 Timoteu 5:22

De pende or ave sha ityou gagh ga, de nyer nongo a orgen sha isholibo i nan ga, kura iyol you wang.

Mpase U Yohane 18:4

Shi m ungwa imo igen due Sha kaa er: Nongoior Wam, due nen ken a na kera sha er né nyôr nongo sha asorabo a na ga, shi né ngohol atsan a tseren un la kpaa ga yô.