Numeri 15:9 - ICIGHAN BIBILO

⁹ nahan i̱ na nagh ku sha samuyia a gumbua la imôngo, i̱ lu mwem ma kengese ma ma kom utar-ken-upue u efa, ma i nongo mkurem sha mi ma ma kom vegher u hin.

Numeri 15:9 Iomraidhean Croise

1 Kroniku 21:23

Kpa Ornan kaa a Davidi er: Gba ngohol tsô ga! Terem tor, a̱ er kwagh u a doo un yô; nenge, m na u abua ne sha ci u iniav mbi nanden, kua ikav mbi gbiren alakema a mi kpaa, mbi̱ lu ikon i keer usu a min, man alakema kpaa sha ci u nagh ku sha samuyia; m na u cii.

Nehemia 10:33

sha ci u ubredi mba sha ishi, man nagh ku sha samuyia ku ayange ayange, man nagh ku nanden ku ayange ayange, man ku sha ayange a memen man sha iwer i he, man sha ci u uiniongo, man sha ci u uicighanmbaakaav, man iniav mbi asorabo sha u wamen sha ci u Iserael, man sha ci u tom u iyou i Aôndo wase cii.

Esekiel 42:13

Tsô a kaa a mo er: Ayou a shin imbusutarimese man ayou a sha imbusutariyan, a a lu sha ishigh ki huwa la, ka ayou a tseghan henpe upristi mba ve mgbôghom a TER vea yaan uicighanmbaakaav mba i hembe tseghan ve la; ka heregh vea veren uicighanmbaakaav mba i hembe tseghan ve la, man nagh ku sha samuyia, man nagh ku isholibo, man nagh ku iboogh ye, gadia ka icighanjiir je.

Esekiel 46:11

Sha ayange a uiniongo mba i ver la, nagh ku sha samuyia kua lu efa môm sha ci u nombua man efa môm sha ci u nomiyôngo, man sha ci u agumaiyôngo er a fetyô u nan yô, man hin u mkure môm sha hanma efa.

Esekiel 46:15

Kape vea naan gumiyôngo man nagh ku sha samuyia man mkurem, pepe, sha ci u nagh ku nanden ku gbem gbem la.

Esekiel 46:5

man nagh ku sha samuyia efa môm sha ci u nomiyôngo, man nagh ku sha samuyia sha ci u agumaiyôngo yô, ku a lu er a fetyô u nan la, man hin u mkure môm kpaa, sha hanma efa.

Esekiel 46:7

una na nagh ku sha samuyia, efa môm sha ci u nombua, man efa môm sha ci u nomiyôngo, man sha ci u agumaiyôngo er a fetyô yô, man hin u mkure môm sha hanma efa.

Yoel 1:9

Nagh ku sha samuyia man nagh ku man tôndo ken iyou i TER; upristi, mbatomov mba TER, mba zungwen.

Yoel 2:14

Ka an nan fe er alaghga Una gema awashima Na, man Una undu iveren ken ijime Na— ka nagh ku sha samuyia man ku man, ku nan TER, Aôndo wen je la.

Levitiku 14:10

Sha iyange i anigheni la nana̱ kôr agumaiyôngo ahar a a lu a ihogholough iyol ga yô, man tuleiyôngo môm u a kom inyom i môm u a lu a ihogholough iyol ga yô, shi nana̱ tôô mwem ma kengese ma ma kom uikaren utar-ken-upue, ma i nongo mkurem sha mi, sha ci u nagh ku sha samuyia, man logi u mkure môm

Levitiku 6:14

Ka tindi u nagh ku sha samuyia ne: Ônov mba Aron ve̱ vaan a ku sha ishigh ki TER hen kpeatsegh.

Levitiku 7:37

Ka tindi u nagh ku nanden man nagh ku sha samuyia man nagh ku isholibo man nagh ku iboogh man nagh ku tseghan or a mi kua nagh ku sôngon ku bem je ne;

Numeri 15:10

Man shi na wain sha ci u nagh ku man, a̱ kuma vegher u hin, ka nagh ku usugh ku human doon TER je la.

Numeri 15:8

Aluer wea na nagh ku nanden, shin nagh ku sôngon sha gumbua sha u kuren iceghzwa, shin a lu nagh ku bem ku nan TER kpaa,

Numeri 28:12

man mwem ma kengese ma ma kom uikaren utar-ken-upue sha ci u nagh ku sha samuyia, ma i nongo mkurem sha mi yô, sha ci u hanma gumbua; man mwem ma kengese ma ma kom uikaren uhar-ken-upue sha ci u nagh ku sha samuyia, ma i nongo mkurem sha mi yô, sha ci u nomiyôngo u môm la;

Numeri 28:14

Iniav mbi man mbi á magh sha mi yô, mbi̱ lu wain, a̱ kuma vegher u hin sha nombua, man môm-ken-utar u hin sha nomiyôngo, man môm-ken-unyiin u hin sha gumiyôngo; ka nagh ku nanden ku sha iwer iwer, sha iwer i inyom la cii je la.

Numeri 29:6

a nagh ku nanden ku sha mdugh u uweregh kua nagh ku sha samuyia ku maghen sha mi la imôngo, man nagh ku nanden ku gbem kua nagh ku sha samuyia ku maghen sha mi la, man iniav mbi man mbi maghen sha mi, sha tindi u mbi, i̱ lu kwagh u human doon; ka nagh ku usugh ku nan TER.

1 Samuel 1:24

Zum u a de atumba yô, a mough a na kua anomabua atar, man mwem kuma efa môm, kua ikpa i wain, a va a mi hen ya u TER hen Shilo; yô, wan la lu kpeghee je.