Numeri 15:39 - ICIGHAN BIBILO

³⁹ a̱ lu ne anzôr a né kenger sha mi man né umbur atindi a TER cii, né waan a iko kpaa yô; sha er de zenden nen sha ishima yen man sha ashe a en ga, ka kwagh u a ne ne idya i eren je la;

Numeri 15:39 Iomraidhean Croise

1 Utor 12:33

A za unde sha atse a a er ken Betel la, sha iyange i sha pue kar ataan sha uwer u sha anigheni la, ka uwer u a tsuwa iyol na sha ishima na la; a ver iniongo sha ci u Mbaiserael man a unde sha atse u za nanden kwaghhumandoon kpaa.

Yobu 31:7

Aluer mea kaha gbenda, man ishima yam ia zaan sha isharen i ashe am, man ma acôghol kpaa aa luun mo sha ave yô,

Upasalmi 106:39

Kape ve hôngor sha aeren a ve la, ve gba eren idya sha aeren a ve la;

Upasalmi 73:27

Gadia nenge, mba ve lu ica a We yô, vea saa ishe; Ú tim mba ve undu U cii sha idya i eren yô.

Ekesodu 13:9

A̱ hingir we ikav sha uwegh ough, kua ikav i umbur sha kungwa wou, sha u tindi u TER a̱ lu u ken zwa yô; gadia ka sha uwegh ku ageegh je, TER due a we ken tar u Igipiti ye.

Anzaakaa 28:26

Or u nan suur sha ishima i nan iyol i nan yô, ka ibumeor je, kpa or u nan zenden sha kwaghfan yô, á yima nan.

Anzaakaa 3:1

Wan wam, ityesen yam i̱ de hungul we ga, ishima you i̱ waan atindi am iko,

Orpasenkwagh 11:9

Ember, wanyekwaor, sha iyev ou, ishima kpaa i̱ lu u saan saan sha ayange a u lu iyev yô, zende sha isharen i ishima you, man sha mnenge u ashe ou kpaa; kpa fa, sha ci u akaa ne cii, Aôndo Una va a we hen ijir.

Yeremia 9:14

kpa ve zende sha asema ve a cighir, ve dondo Ubaal, er uter vev lu tesen ve yô.

Esekiel 6:9

Ve mba ve wer ken a ven la, vea umbur Mo ken akuraior henpe á yem a ve uikangen la, zum u Me vihi ishima ve i idya i i pav a Mo la kera, kua ashe a ve kpaa, a a za idya sha akombo a ve la, nahan ishima ia ndôhôr ve a ayol a ve sha ci u aferakaa a ve er sha akaa ve a ndôhôrshima la cii.

Hosea 2:2

Hendan nen a ngô wen, hendan nen; gadia ka kwase Wam ga, Mo kpaa M ngu nom na ga; a̱ kar a idya na sha ishigh nagh kera, man a ijimba na kpaa her atô u atumba na kera;

Duteronomi 29:19

man zum u or la nana ungwa akaaôron a mbum ne yô, nana ver iyol i nan doo doo ken ishima i nan nana kaa er: Me zua a bem shin er m ze sha ishima yam i hemban ato nahan kpaa; nahan nana va a mtim sha kwagh u ndor kua u ombor imôngo cii.

Duteronomi 4:23

Kura nen ayol a en, sha er ikuryan i TER, Aôndo wen, A ye a ven la, i̱ de hungul ne, né gbaan eev mbu been ma kwagh u TER, Aôndo wou, A yange u la ga.

Duteronomi 6:12

shighe la kura iyol you sha er u̱ de hungul TER u A dugh a we ken tar u Igipiti ken ya u ikpan la ga yô.

Duteronomi 8:11

Kura iyol you, TER, Aôndo wou, A̱ de hungul we er ú kera waan atindi Na man akaaôron a Na a jirigh kua akaawan a Na, a m we u kwagh sha mi nyian ne iko ga ze;

Duteronomi 8:14

Ú gba moron iyol je, TER, Aôndo wou, u A dugh a we ken tar u Igipiti ken ya u ikpan la Una hungul we,

Yakobu 4:4

Ne mbadyarev, ne fa er u yan ikar a tar i lu u lun ihom a Aôndo gaa? Nahan yô, or u i sar nan ka lun ikar a tar yô, nan hingir orihom u Aôndo je ve.