Numeri 15:15 - ICIGHAN BIBILO

¹⁵ Ior cii, tindi a̱ lu môm sha ci wen kua shiror u nan nyer ne a nyôr la; ka tindi u gbem sha ikov ikov; er ne ne lu la, kape shiror kpaa una lu sha ishigh ki TER je la.

Numeri 15:15 Iomraidhean Croise

Eseter 9:27

Mbayuda wa tindi man ve ver asema, ve man tsombor ve man mba ve nyôr nongo a ve mbala cii, sha er kwagh la a̱ de bundu ga, sha u vea waan ayange ahar ne iko sha kwaghngeren la, man sha shighe u i ver a sha hanma inyom la;

Ekesodu 12:14

Iyange ne, i̱ lu ne iyange i umbur, ver nen i, i̱ hingir iniongo i civir TER; yaan nen i sha ikov ikov, i̱ hingir ne tindi u eren nahan gbem sha won je.

Ekesodu 12:24

Waan nen kwagh ne iko a̱ hingir ne tindi u eren nahan, ne kua ônov enev kpaa gbem sha won je.

Ekesodu 12:43

Tsô TER shi kaa a Mose vea Aron er: Ka tindi u Paseka ne: Ma or u ikur igen nana̱ de ye un ga.

Ekesodu 12:49

Tindi ngu môm sha ci u or u tar la kua shiror u a va nyer ne a nyôr la kpaa.

Ekesodu 28:43

Aron man ônov nav ve̱ huwan a shighe u vea nyôron ken tenti u kohol ker la, shin shighe u vea kporom hen atse sha u eren tom ken icighanjiir, sha u ve̱ de kpel ibo, ve̱ kpeen ga yô; i̱ lu un tindi u gbem kua tsombor na u ken ijime na.

Levitiku 24:22

Lu nen a tindi môm sha ci u shiror man or u tar la jim; gadia ka Mo TER M lu Aôndo wen ye.

Numeri 10:8

Upristi, ônov mba Aron ve̱ tôngon ukakaki mbala; i̱ hingir ne tindi u gbem sha ikov ikov.

Numeri 15:14

Man aluer shiror u nan nyer ne a nyôr, shin hanma or u nan tse a ven sha ikov ikov, man á sar nan ka nan nagh ku usugh ku human doon TER yô, er ne eren la kape nan kpa, nana̱ er je la.

Numeri 15:29

Tindi môm a̱ lu sha ci wen; or u nan er kwaghbo abu la, shin a lu or u tar la jim ken Mbaiserael, shin a lu shiror u nan nyer ne a nyôr kpaa.

Numeri 18:8

TER kaa a Aron er: Nenge, ka Mo je, M ne u tom u nengen sha iniav mbi kenden sha la ye; uicighanmbaakaav mba Mbaiserael la cii, ka we M ne u ve a ônov ou, ka kwar wen gbem je la.

Numeri 9:14

Aluer shiror u nan va nyer ne a nyôr, man á sar nan ka yan Paseka u TER yô, nana̱ ya un sha tindi u Paseka kua kwaghwan na kpaa, lu nen a tindi môm sha ci u shiror kua or u tar la jim.

Mbagalatia 3:28

Or u Yuda kua or u Grika kera ngu ga, kpan kua wan kpaa kera mba ga, nomsoor kua kwase kpaa kera mba ga, gadia ne cii ne mba môm ken Kristu.

Mbakolose 3:11

Heera yô, or u Grika man or u Yuda kera ngu ga, shin icôngo man ipusu kpaa ga, ortyôtyev shin Sekuti shin kpan man wan kpaa ga, kpa Kristu gema hoghom cii ken ior cii.

Yosua 8:33

Mbaiserael cii, kua mbatamen vev man mbahemenev vev man mbaajiriv vev, ve tile, mbagenev vegher u areki keen, mbagenev di vegher u keela sha ishigh ki Mbalevi mba ve lu upristi, ve tôô areki u ikuryan u TER la; ior mba ve nyer a nyôr kua mba tar la jim, vegher ve ugen tile sha ishigh ki uwo u Gerishim, vegher ugen sha ishigh ki uwo u Ebal, er Mose wanakiriki u TER vande kaan er ve̱ ver ior mba Iserael doo doo la nahan.

1 Samuel 30:25

Tsô hii hen iyange la zan zan ken hemen á lu nahan; a ver kwagh ne, hingir tindi kua ieren i Iserael zan zan nyian.